ബസും ട്രക്കും കൂട്ടിയിടിച്ച് 36 മരണം

ബീജിങ്: കിഴക്കൻ ചൈനയിൽ ബസ് ട്രക്കുമായി കൂട്ടിയിടിച്ചുണ്ടായ അപകടത്തിൽ 36 പേർ മരിച്ചു. 36 പേർക്ക് പരിക്കേറ്റിട്ടുമുണ്ട്. നിറയെ യാത്രക്കാരുമായി വരികയായിരുന്ന ബസാണ് അപകടത്തിൽ പെട്ടത്.

ജിയാങ്സു പ്രവിശയിൽ ശനിയാഴ്ച രാവിലെയാണ് അപകടം. 69 യാത്രക്കാർ ബസിലുണ്ടായിരുന്നു. ബസിന്‍റേത് മൊട്ടയായ ടയറുകളായിരുന്നെന്നും ഇതാണ് അപകടത്തിന് വഴിയൊരുക്കിയതെന്നും അധികൃതർ പറഞ്ഞു.

പരിക്കേറ്റവരിൽ ഒമ്പത് പേരുടെ നില ഗുരുതരമാണ്.