ചൈനയിൽ യുവാവ്​ ഏഴ്​ വിദ്യാർഥികളെ കുത്തിക്കൊന്നു

ബീജിങ്: ചൈനയിൽ വീട്ടിലേക്ക്​ മടങ്ങുകയായിരുന്ന ഏഴ്​ സ്​കൂൾ വിദ്യാർഥികളെ യുവാവ്​ കുത്തിക്കൊന്നു. വടക്കുപടിഞ്ഞാറൻ ചൈനയിലെ ഷാൻസിയിലാണ്​ ക്രൂര സംഭവം അരങ്ങേറിയത്​​. കൂട്ടമായി സഞ്ചരിക്കുകയായിരുന്ന വിദ്യാർഥികൾക്ക്​ നേരെ സാവോ എന്നുപേരുള്ള യുവാവ്​ ചാടിവീണ്​ ആക്രമിക്കുകയായിരുന്നു. മരിച്ചവരിൽ അഞ്ചുപേർ പെൺകുട്ടികളാണ്​. 12ഒാളം വിദ്യാർഥികൾക്ക്​ ഗുരുതരമായ പരിക്കേറ്റിട്ടുണ്ട്​.

12നും 15നും ഇടയിൽ പ്രായമുള്ള നമ്പർ ത്രീ മീഡിയ സ്​കൂൾ വിദ്യാർഥികളാണ്​ കൊല്ലപ്പെട്ടത്​​. 28 കാരനായ സാവോയും ഇതേ സ്​കൂളിലെ വിദ്യാർഥിയായിരുന്നുവെന്നും റിപ്പോർട്ടുണ്ട്​.

ഇന്ന്​ വൈകുന്നേരം 6:10ഒാടെയാണ്​ സംഭവം നടന്നത്​. സാവോയെ സംഭവസ്ഥലത്തുവച്ച്​ തന്നെ കസ്റ്റഡിയിലെടുത്തെതായി മസികൗണ്ടി പൊലീസ്​ അറിയിച്ചു. അക്രമത്തി​​​െൻറ കാരണം വ്യക്​തമല്ല. 

ഇൗ വർഷം ചൈനയിൽ നടക്കുന്ന സമാനമായ രണ്ടാം സംഭവമാണിത്​. ഫെബ്രുവരിയിൽ ബീജിങ്ങിലെ ഒരു സൂപ്പർമാർക്കറ്റിൽ കത്തികൊണ്ടുള്ള ആക്രമത്തിൽ ഒരു യുവതി കൊല്ലപ്പെട്ടിരുന്നു. അന്ന്​ 12 പേർക്ക്​ പരിക്കേൽക്കുകയും ചെയ്​തു.