കശ്​മീരികൾക്ക് ആയുധപരിശീലനം നൽകി ഇന്ത്യക്കെതിരെ ഉപയോഗിച്ചിരുന്നു -മുഷർറഫ്​

ഇസ്​ലാമാബാദ്​: ഉസാമ ബിൻലാദൻ, അയ്​മൻ അൽ സവാഹിരി, ജലാലുദ്ദീൻ ഹഖാനി തുടങ്ങിയ തീവ്രവാദികൾ പാകിസ്​താ​​​െൻറ ഹീറോക ളായിരുന്നുവെന്ന്​ മുൻ പാക്​ ​​പ്രസിഡൻറ്​ പർവേസ്​ മുഷർറഫ്​. കശ്​മീരികൾക്ക്​ ആയുധ പരിശീലനം നൽകി ഇന്ത്യൻ സേനക്ക െതിരെ ഉപയോഗിച്ചിരുന്നുവെന്നും അദ്ദേഹം വെളിപ്പെടുത്തി. ഒരു അഭിമുഖത്തിലാണ്​ മുഷർറഫ്​​ ഇക്കാര്യങ്ങൾ വെളിപ്പെ ടുത്തിയത്​.

തീയതി രേഖപ്പെടു​ത്താത്ത അഭിമുഖത്തി​​​െൻറ ഭാഗം പാക്​ രാഷ്​ട്രീയ പ്രവർത്തകനായ ഫർഹത്തുല്ല ബാബർ ട്വിറ്ററിൽ പങ്കുവെച്ചു. ‘‘പാകിസ്​താനിലെത്തുന്ന കശ്​മീരികൾക്ക്​ ഹീറോ പരിവേഷത്തിലുള്ള സ്വീകരണമാണിവിടെ ലഭിക്കുന്നത്​. ഞങ്ങൾ അവരെ പരിശീലിപ്പിക്കുന്നു, പിന്തുണ നൽകുന്നു. ഇന്ത്യൻ സേനക്കെതിരെ പോരാടുന്ന അവരെ ഞങ്ങൾ മുജാഹിദീനുകളായാണ്​ പരിഗണിക്കുന്നത്​. ലഷ്​കറെ ത്വയ്​ബയെ പോലെ വിവിധ തീവ്രാവാദ സംഘടനകൾ ഇൗ കാലത്ത്​ ഉയർന്നു വന്നിട്ടുണ്ട്​. അവർ ഞങ്ങളുടെ ഹീറോകൾ ആയിരുന്നു.’’ മുഷർറഫ്​​ പറയുന്നത്​ ദൃശ്യത്തിലുണ്ട്​.

‘‘സോവിയറ്റുകളെ രാജ്യത്തു നിന്ന്​ പുറത്താക്കാനു​ം പാകിസ്​താ​ന്​ നേട്ടമുണ്ടാക്കാനും 1979ൽ അഫ്​ഗാനിസ്​താനിൽ ഞങ്ങൾ മതപരമായ ആക്രമണം തുടങ്ങിവെച്ചു. ലോകത്തി​​​െൻറ വിവിധ ഭാഗങ്ങളിൽ നിന്ന്​ മുജാഹിദീനുകളെ കൊണ്ടുവന്നു. അവരെ ഞങ്ങൾ പരിശീലിപ്പിച്ചു, അവർക്ക്​ ആയുധം നൽകി. ഞങ്ങൾ താലിബാനെ പരിശീലിപ്പിച്ചയച്ചു. അവർ ഞങ്ങളുടെ ഹീറോകളായിരുന്നു. ഹഖാനി ഞങ്ങളുടെ ഹീറോ ആയിരുന്നു. ഉസാമാ ബിൻലാദൻ ഞങ്ങളു​െട ഹീറോ ആയിരുന്നു. അയ്​മൻ അൽ സവാഹിരി ഞങ്ങളുടെ ഹീറോ ആയിരുന്നു. പിന്നീട്​ ആഗോള പരിസ്ഥിതിയിൽ മാറ്റം വന്നു. ലോകം വ്യത്യസ്​തമായി കാര്യങ്ങളെ കാണാൻ തുടങ്ങി. ഞങ്ങളുടെ ഹീറോകൾ വില്ലൻമാരായി മാറി. -മുഷർറഫ്​ പറയുന്നു.

കശ്​മീരിൽ പാകിസ്​താൻ ഇടപെടലുകൾ നടത്തുന്നതായും തീവ്രവാദികൾക്ക്​ പരിശീലനം നൽകുകയും മേഖലയിൽ തീവ്രവാദത്തി​​​െൻറ ഇന്ധനമാകുന്നതായുമുള്ള ഇന്ത്യയുടെ വാദത്തെ സാധൂകരിക്കുന്നതാണ്​ മുഷർറഫി​േൻറതായി പുറത്തു വന്ന അഭിമുഖം​.

یہ ہیں وہ ریاستی پالیسی جس کی وجہ سے پشتون کو دہشتگرد کہاں گیا جس کی وجہ سے پشتون کا پورا نسل تباہ اور برباد ہوا جس کی وجہ سے پشتون IDPS بنے جس کی وجہ سے پشتونوں کے گھریں بازاریں ہسپتال سکول گہرائے گئے.اور آج بولتے ہیں کہ ریڈ لائن کراس نہ کریں@GulBukhari#SaveBuner4mStateTaliban pic.twitter.com/khjh7sy390

— Hamid Mandokhail (@HamidMandokhail) November 12, 2019