മോദി -ഷീ ജിൻപിങ്​ കൂടിക്കാഴ്​ചയിൽ കശ്​മീർ വിഷയം ചർച്ചയാകില്ലെന്ന്​ ചൈന

ബെയ്​ജിങ്: പ്രധാനമന്ത്രി നരേന്ദ്ര മോദിയും ചൈനീസ് പ്രസിഡൻറ്​ ഷീ ജിന്‍പിങ്ങും പങ്കെടുക്കുന്ന രണ്ടാമത്തെ അനൗദ ്യോഗിക ഉച്ചകോടിയില്‍ കശ്മീർ വിഷയം പ്രധാന ചർച്ചയായാകില്ലെന്ന്​ ചൈന. ചൈനീസ് വിദേശകാര്യ മന്ത്രാലയ വക്താവ്​ ഹു ചുനിങ്ങാണ്​ ഇക്കാര്യം വ്യക്തമാക്കിയത്.

അനൗദ്യോഗിക ഉച്ചകോടിയായതിനാല്‍ കശ്മീര്‍ വിഷയം അജണ്ടയിലുണ്ടോ എന്ന കാര്യത്തില്‍ ഉറപ്പില്ല. എന്തൊക്കെ വിഷയങ്ങളാണ് ചര്‍ച്ച ചെയ്യേണ്ടതെന്ന് തീരുമാനിക്കാന്‍ ഇരുനേതാക്കള്‍ക്കും സമയം നല്‍കുകയാണ് നാം ചെയ്യേണ്ടതെന്നാണ് വിചാരിക്കുന്നത്.- ഹുവാ ചുനിങ്​ പ്രതികരിച്ചു. ഒക്ടോബറില്‍ ഷീ ജിന്‍പിങ്ങി​​​െൻറ ഇന്ത്യാ സന്ദര്‍ശനവേളയിലാണ് ഇരുനേതാക്കളും തമ്മില്‍ അനൗദ്യോഗിക ഉച്ചകോടി നടക്കുക.

ചൈനയുടെ പ്രധാന സഖ്യകഷിയായ പാകിസ്താ​ൻ, ജമ്മു കശ്മീരിലെ ഇന്ത്യന്‍ നടപടിക്കെതിരെ യു.എൻ സുരക്ഷാസമിതിയിൽ ഉൾപ്പെടെ വൻപ്രതിഷേധം രേഖപ്പെടുത്തിയ സാഹചര്യത്തിലും ചൈനീസ്​ പ്രധാനമന്ത്രി ഇന്ത്യയിലെത്തുന്നുവെന്നത്​ ശ്രദ്ധേയമാണ്.