ഗ​സ്സ​യി​ൽ ഇ​സ്രാ​യേ​ൽ വ്യോ​മാ​ക്ര​മ​ണം; ഗ​ർ​ഭി​ണി​യ​ട​ക്കം മൂ​ന്നു മ​ര​ണം 

ഗ​സ്സ സി​റ്റി: ഗ​സ്സ​യി​​ൽ ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​ൽ ഗ​ർ​ഭി​ണി​യും 18 വ​യ​സ്സു​കാ​ര​നു​മ​ട​ക്കം മൂ​ന്നു​പേ​ർ കൊ​ല്ല​പ്പെ​ട്ടു. ര​ണ്ട്​ ഹ​മാ​സ്​ അം​ഗ​ങ്ങ​ളെ വ​ധി​ച്ച​തി​ന്​ തി​രി​ച്ച​ടി​യാ​യി ഗ​സ്സ​യി​ൽ​നി​ന്ന്​ 150ഒാ​ളം റോ​ക്ക​റ്റു​ക​ൾ ബു​ധ​നാ​ഴ്​​ച ഇ​സ്രാ​യേ​ലി​ലേ​ക്ക്​ തൊ​ടു​ത്തി​രു​ന്നു. ഇ​തി​ൽ ആ​റ്​ ഇ​സ്രാ​യേ​ൽ പൗ​ര​ന്മാ​ർ​ക്ക്​ പ​ര​ി​ക്കേ​റ്റു. ഇ​തി​ന്​ മ​റു​പ​ടി​യെ​ന്നോ​ണ​മാ​ണ്​ ബു​ധ​നാ​ഴ്​​ച രാ​ത്രി തു​ട​ർ​ച്ച​യാ​യി ഗ​സ്സ​യി​ൽ ആ​ക്ര​മ​ണ​മു​ണ്ടാ​യ​ത്. കൊ​ല്ല​പ്പെ​ട്ട​വ​രി​ൽ ഒ​രാ​ൾ ഹ​മാ​സ്​ സൈ​നി​ക​നാ​ണ്. സം​ഭ​വ​ത്തി​ൽ 12 ഫ​ല​സ്​​തീ​നി​ക​ൾ​ക്ക്​ പ​രി​ക്കേ​റ്റി​ട്ടു​മു​ണ്ട്. 

അ​തി​നി​ടെ, ഹ​മാ​സി​നെ​തി​രെ ശ​ക്​​ത​മാ​യ സൈ​നി​ക​നീ​ക്ക​ത്തി​ന്​ ഒ​രു​ക്ക​ങ്ങ​ൾ ന​ട​ക്കു​ന്ന​താ​യും റി​പ്പോ​ർ​ട്ടു​ണ്ട്. ഇ​തി​നാ​യി ഗ​സ്സ അ​തി​ർ​ത്തി​യി​ലെ ഇ​സ്രാ​യേ​ലി​ക​ളെ ഒ​ഴി​പ്പി​ക്കാ​ൻ തു​ട​ങ്ങി​യ​താ​യി ചി​ല മാ​ധ്യ​മ​ങ്ങ​ൾ റി​പ്പോ​ർ​ട്ട്​ ചെ​യ്​​തു.

ഇ​​സ്ര​ാേ​യ​ൽ ഗ​സ്സ​ക്കെ​തി​രെ ആ​ക്ര​മ​ണം തു​ട​രു​ന്ന പ​ശ്ചാ​ത്ത​ല​ത്തി​ൽ പ്ര​തി​രോ​ധ നീ​ക്ക​ങ്ങ​ൾ ന​ട​ത്തു​മെ​ന്ന്​ ഹ​മാ​സ്​ വ​ക്​​താ​വ്​ അ​ബ്​​ദു​ൽ ല​ത്തീ​ഫ്​ അ​ൽ ഖാ​നു ട്വി​റ്റ​റി​ൽ കു​റി​ച്ചു. സി​വി​ലി​യ​ന്മാ​ർ​ക്ക്​ നേ​രെ​യു​ള്ള ആ​ക്ര​മ​ണ​ങ്ങ​ൾ​ക്ക്​ ത​ക്ക​താ​യി തി​രി​ച്ച​ടി​യു​ണ്ടാ​കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.ഇൗ​ജി​പ്​​തി​​​െൻറ​യും യു.​എ​ന്നി​​​െൻറ​യും മ​ധ്യ​സ്​​ഥ​ത​യി​ൽ ഹ​മാ​സി​നും ഇ​സ്രാ​യേ​ലി​നു​മി​ട​യി​ൽ വെ​ടി​നി​ർ​ത്ത​ൽ ക​രാ​റി​ന്​ ശ്ര​മം തു​ട​രു​ന്ന​തി​നി​ടെ​യാ​ണ്​ വീ​ണ്ടും ഏ​റ്റു​മു​ട്ട​ലു​ണ്ടാ​യി​രി​ക്കു​ന്ന​ത്. മാ​ർ​ച്ച്​ അ​വ​സാ​ന​ത്തി​ൽ ആ​രം​ഭി​ച്ച ഫ​ല​സ്​​തീ​നി​ക​ളു​ടെ പ്ര​തി​ഷേ​ധ​ത്തി​ന്​ നേ​രെ ന​ട​ന്ന ആ​ക്ര​മ​ണ​ങ്ങ​ളി​ൽ ഇ​തി​ന​കം 160ലേ​റെ നി​രാ​യു​ധ​ർ കൊ​ല്ല​പ്പെ​ട്ടി​ട്ടു​ണ്ട്. ഗ​സ്സ​യി​ലേ​ക്ക്​ വി​വി​ധ ച​ര​ക്കു​ക​ൾ എ​ത്തി​ക്കു​ന്ന വ​ഴി​ക​ളും സ​മു​ദ്ര​ഗ​താ​ഗ​ത​വും ത​ട​സ്സ​പ്പെ​ടു​ത്തു​ന്ന ന​ട​പ​ടി​യും ഇ​സ്രാ​യേ​ൽ സ്വീ​ക​രി​ക്കു​ന്നു​ണ്ട്.