ബഗ്​ദാദി ​െകാല്ലപ്പെട്ടതായി ​െഎ.എസ്​ സ്​ഥിരീകരിച്ചു

ബഗ്​ദാദ്​: ​െഎ.എസ്​ തലവൻ അബൂബക്കർ അൽബഗ്​ദാദി കൊല്ലപ്പെട്ടതായി ​സ്​ഥിരീകരണം. ​െഎ.എസ്​ തന്നെയാണ്​ അവരുടെ മാധ്യമം വഴി ഇക്കാര്യം സ്​ഥിരീകരിച്ചത്​. ബഗ്​ദാദിയുടെ പിൻഗാമിയെ ഉടൻ പ്രഖ്യാപിക്കുമെന്നും ​െഎ.എസ്​ അറിയിച്ചു.  ബഗ്​ദാദിയുടെ മരണം സംബന്ധിച്ച കൂടുതൽ വിവരങ്ങൾ വെളിപ്പെടുത്താൻ സംഘം തയാറായില്ല.

ഇറാഖിലെ മൂസിലിൽ ​െഎ.എസിൽ നിന്ന് ​ സൈന്യം തിരിച്ചുപിടിച്ചതായി പ്രധാനമന്ത്രി ഹൈദർ അൽഅബാദിയുടെ പ്രഖ്യാപനത്തിനുശേഷമായിരുന്നു ബഗ്​ദാദി കൊല്ലപ്പെട്ടതായി സ്​ഥിരീകരിച്ചത്​. നേരത്തേ പലതവണ ബഗ്​ദാദി ​െകാല്ലപ്പെട്ടതായ വാർത്തകൾ വന്നിരുന്നുവെങ്കിലും ഭീകരസംഘം നിഷേധിക്കുകയായിരുന്നു.  സിറിയയിൽ റഷ്യൻ വ്യോമാക്രമണത്തിൽ കൊല്ലപ്പെട്ടുവെന്നായിരുന്നു ഏറ്റവും ഒടുവിൽ പുറത്തുവന്ന റിപ്പോർട്ട്​. ബഗ്​ദാദിയുടെ തലക്ക്​ യു.എസ്​ 2.5 കോടി ഡോളർ പ്രഖ്യാപിച്ചിരുന്നു