സലാഹുദ്ദീനിൽ ഐ.എസ്​ ആക്രമണം; നാല്​ പൊലീസുകാർ കൊല്ലപ്പെട്ടു

ബാഗ്​ദാദ്​: ഇറാഖിലെ കേന്ദ്ര പ്രവിശ്യയായ സലാഹുദ്ദീനിൽ പൊലീസ്​ ഔട്ട്​പോസ്​റ്റിൽ ഐ.സ്​ ഭീകരരുമായുണ്ടായ ഏറ്റുമുട്ടലിൽ നാല്​ പൊലീസുകാരും ഒര​ു ഐ.എസ്​ ഭീകരനും കൊല്ലപ്പെട്ടു.

ഒരു പൊലീസുകാരന്​ പരിക്കേറ്റിട്ടുമുണ്ട്​. ശനിയാഴ്​ച വൈകുന്നേരമായിരുന്നു സംഭവം. ബാഗ്​ദാദിൽ നിന്ന്​ 200 കിലോമീറ്റർ വടക്ക്​ ബൈജി നഗരത്തിന്​ സമീപം ഓയിൽ പൈപ്പ് ​ലൈനിന്​ പുറത്ത്​ ​ഡ്യൂട്ടിയിലുണ്ടായിരുന്ന പൊലീസുകാരാണ്​ കൊല്ലപ്പെട്ടത്​.

പൊലീസ്​ ഔട്ട്​പോസ്​റ്റിനു നേരെ ഐ.എസ്​ ഭീകരർ ആക്രമണം അഴിച്ചു വിട്ടതോടെ പൊലീസ്​ തിരിച്ചടിക്കുകയായിരുന്നു. ഏറ്റുമുട്ടലിനിടെയാണ് പൊലീസുകാർ കൊല്ലപ്പെട്ടത്​.