ബഗ്​ദാദിൽ ഉന്നത ഇറാൻ ജ​​ന​​റ​​ലി​നെ യു.എസ്​ വധിച്ചു

ബ​ഗ്ദാ​ദ്: ഇ​റാ​ഖ്​ ത​ല​സ്​​ഥാ​ന​മാ​യ ബ​ഗ്ദാ​ദിലെ വി​മാ​ന​ത്താ​വ​ള​ത്തിൽ അ​മേ​രി​ക്ക ന​ട​ത്തി​യ വ്യോ​മാ​ക്ര​മ​ണ​ത്തി​ൽ ഇ​റാ​​​​െൻറ ഉ​ന്ന​ത സൈ​നി​ക ജ​​ന​​റൽ ഖാ​സിം സു​ലൈ​മാ​നി ഉ​ൾ​െ​പ്പ​ടെ എ​ട്ടു പേ​ർ കൊ​ല്ല​പ്പെ​ട്ടു. ഇ​സ്​​ലാ​മി​ക് ​െറ​വ​ലൂ​ഷ​ന​റി ഗാ​ര്‍ഡ് സൈ​നി​ക വി​ഭാ​ഗ​ത്തി​​​​െൻറ ഭാ​ഗ​മാ​യ ​‘ഖു​ദ്​​സ്​​ സേ​ന’ മേ​ധാ​വി​യാ​ണ്​ ഖാ​സിം സു​ലൈ​മാ​നി. ഇ​റാ​ന്‍ പി​ന്തു​ണ​യു​ള്ള ഇ​റാ​ഖി​ലെ പൗ​ര​സേ​ന​ക​ളു​ടെ ഡെ​പ്യൂ​ട്ടി ക​മാ​ന്‍ഡ​റാ​യ അ​ബു മ​ഹ്ദി അ​ല്‍ മു​ഹ​ന്ദി​സും കൊ​ല്ല​പ്പെ​ട്ട​വ​രി​ൽ പെ​ടു​ന്നു.

വ്യോ​മാ​ക്ര​മ​ണം അ​മേ​രി​ക്ക സ്ഥി​രീ​ക​രി​ച്ചു. പ്ര​സി​ഡ​ൻ​റ്​ ട്രം​പി‍​​​െൻറ നി​ര്‍ദേ​ശ പ്ര​കാ​ര​മാ​ണ് ആ​ക്ര​മ​ണ​മെ​ന്ന് പ​​​െൻറ​ഗ​ൺ വ്യ​ക്ത​മാ​ക്കി. സം​ഭ​വ​ത്തി​ന്​ പി​ന്നാ​ലെ, വി​ശ​ദീ​ക​ര​ണ​ങ്ങ​ളൊ​ന്നു​മി​ല്ലാ​തെ യു.​എ​സ് ദേ​ശീ​യ​പ​താ​ക ഡോ​ണ​ൾ​ഡ് ട്രം​പ് ട്വീ​റ്റ് ചെ​യ്തു. വൈ​കാ​തെ തി​രി​ച്ച​ടി ഉ​ണ്ടാ​കു​മെ​ന്ന് ഇ​റാ​ൻ വ്യ​ക്ത​മാ​ക്കി.

pic.twitter.com/VXeKiVzpTf

— Donald J. Trump (@realDonaldTrump) January 3, 2020

ബഗ്ദാദ് വിമാനത്താവളത്തിൽ യു.എസ് നടത്തിയ ആക്രമണം

വെ​ള്ളി​യാ​ഴ്​​ച അ​ർ​ധ​രാ​ത്രി​യാ​ണ് യു.​എ​സ് ​​സേ​ന ആ​ളി​ല്ലാ വി​മാ​ന​ത്തി​ൽ വ്യോ​മാ​ക്ര​മ​ണം ന​ട​ത്തി​യ​ത്. ഉ​ന്ന​ത​ർ സ​ഞ്ച​രി​ച്ച ര​ണ്ടു വാ​ഹ​ന​ങ്ങ​ൾ റോ​ക്ക​റ്റ്​ ഉ​പ​യോ​ഗി​ച്ച്​ ത​ക​ർ​ക്കു​ക​യാ​യി​രു​ന്നു. സൈ​നി​ക വ്യൂ​ഹ​ത്തി​​​​െൻറ കാ​വ​ലോ​ടെ​യു​ള്ള യാ​ത്ര​ക്കി​ടെ​യാ​ണ്​ സം​ഭ​വം. ഖാ​സിം സു​ലൈ​മാ​നി​യു​ടെ മ​ര​ണ​ത്തി​ൽ ഇ​റാ​നി​ൽ മൂ​ന്ന് ദി​വ​സ​ത്തെ ദുഃ​ഖാ​ച​ര​ണം പ്ര​ഖ്യാ​പി​ച്ചു. ക​ടു​ത്ത പ്ര​തി​കാ​ര ന​ട​പ​ടി​ക​ളാ​ണ്​ കു​റ്റ​വാ​ളി​ക​ളെ കാ​ത്തി​രി​ക്കു​ന്ന​തെ​ന്ന്​ ഇ​റാ​ൻ പ​ര​മോ​ന്ന​ത നേ​താ​വ് ആ​യ​ത്തു​ല്ല അ​ലി ഖാം​ന​ഈ പ​റ​ഞ്ഞു. കൊ​ല്ല​പ്പെ​ട്ട​വ​രെ അ​ദ്ദേ​ഹം ര​ക്ത​സാ​ക്ഷി​ക​ൾ എ​ന്നാ​ണ്​ വി​ശേ​ഷി​പ്പി​ച്ച​ത്. അ​മേ​രി​ക്ക​യു​ടെ ചു​മ​ത​ല​യു​ള്ള സ്വി​റ്റ്സ​ർ​ല​ൻ​ഡ് സ്​​ഥാ​ന​പ​തി​യെ വി​ളി​ച്ചു​വ​രു​ത്തി ഇ​റാ​ൻ വി​ദേ​ശ​കാ​ര്യ മ​ന്ത്രാ​ല​യം പ്ര​തി​ഷേ​ധം അ​റി​യി​ച്ചു.

ഇ​​റാ​​ൻ അ​​നു​​കൂ​​ല സാ​യു​ധ വി​ഭാ​ഗ​മാ​യ ഖാ​തൈ​ബ്​ ഹി​സ്​​ബു​ല്ല​യു​ടെ കേ​ന്ദ്ര​ങ്ങ​ളി​ലേ​ക്ക്​ ഡി​സം​ബ​ർ 29ന്​ ​അ​​മേ​​രി​​ക്ക ന​​ട​​ത്തി​​യ വ്യോ​​മാ​​ക്ര​​മ​​ണ​​ത്തി​​ൽ പ്ര​​തി​​ഷേ​​ധി​​ച്ച്​ ബ​​ഗ്​​​ദാ​​ദി​​ലെ യു.​​എ​​സ്​ സ്​​ഥാ​ന​പ​തി കാ​ര്യാ​ല​യം​ നൂ​​റു​​ക​​ണ​​ക്കി​​ന്​ പ്ര​​ക്ഷോ​​ഭ​​ക​​ർ ക​ഴി​ഞ്ഞ​ദി​വ​സം ആ​​ക്ര​​മി​​ച്ചി​രു​ന്നു. ഖാ​സിം സു​ലൈ​മാ​നി​ക്കൊ​പ്പം കൊ​ല്ല​പ്പെ​ട്ട ഖാ​തൈ​ബ്​ ഹി​സ്​​ബു​ല്ല​യു​ടെ ക​മാ​ൻ​ഡ​ർ അ​ബു മ​ഹ്​​ദി അ​ൽ മു​ഹ​ന്ദി​സി​​​​െൻറ നേ​തൃ​ത്വ​ത്തി​ലാ​യി​രു​ന്നു പ്ര​തി​ഷേ​ധം. ര​ണ്ടു ദി​വ​സ​ത്തെ ഉ​പ​രോ​ധം ബു​ധ​നാ​ഴ്​​ച​യാ​ണ്​ അ​വ​സാ​നി​ച്ച​ത്. ഇ​തി‍​​​െൻറ തു​ട​ർ​ച്ച​യാ​യാ​ണ് യു.​എ​സ് വ്യോ​മാ​ക്ര​മ​ണ​മെ​ന്നാ​ണ് റി​പ്പോ​ർ​ട്ട്.

രാ​ജ്യാ​ന്ത​ര ഭീ​ക​ര​വാ​ദം -ഇ​റാ​ൻ
ജ​ന​റ​ൽ സു​ലൈ​മാ​നി​യെ വ​ധി​ച്ച​തി​ലൂ​ടെ രാ​ജ്യാ​ന്ത​ര ഭീ​ക​ര​വാ​ദ​മാ​ണ് അ​മേ​രി​ക്ക ന​ട​പ്പാ​ക്കു​ന്ന​തെ​ന്ന് ഇ​റാ​ൻ വി​ദേ​ശ മ​ന്ത്രി മു​ഹ​മ്മ​ദ് ജാ​വേ​ദ് ശ​രീ​ഫ് പ്ര​തി​ക​രി​ച്ചു. ഐ.​എ​സ്, അ​ൽ നു​സ്റ, അ​ൽ ഖാ​ഇ​ദ എ​ന്നി​വ​ക്കെ​തി​രെ ശ​ക്ത​മാ​യ പോ​രാ​ട്ട​മാ​ണ് ഇ​റാ​ൻ സേ​ന ന​ട​ത്തു​ന്ന​ത്. അ​ങ്ങേ​യ​റ്റം അ​പ​ക​ട​ക​ര​വും ബു​ദ്ധി​ശൂ​ന്യ​വു​മാ​യ ന​ട​പ​ടി​യാ​ണ്​ യു.​എ​സി​േ​ൻ​റ​ത്. ഈ ​തെ​മ്മാ​ടി​ത്ത​ത്തി‍​​​െൻറ പ്ര​ത്യാ​ഘാ​ത​ങ്ങ​ളു​ടെ ഉ​ത്ത​ര​വാ​ദി​ത്തം അ​മേ​രി​ക്ക​ക്ക് ത​ന്നെ​യാ​കു​മെ​ന്നും ജാ​വേ​ദ് ശ​രീ​ഫ് ട്വീ​റ്റ് ചെ‍യ്തു. ഇ​തി​നെ​തി​രെ ഇ​റാ​നും മേ​ഖ​ല​യി​ലെ സ്വ​ത​ന്ത്ര രാ​ഷ്​​ട്ര​ങ്ങ​ളും യു.​എ​സി​നോ​ട്​ പ്ര​തി​കാ​രം ചെ​യ്യു​മെ​ന്ന്​ ഇ​റാ​ൻ പ്ര​സി​ഡ​ൻ​റ്​ ഹ​സ​ൻ റൂ​ഹാ​നി വ്യ​ക്ത​മാ​ക്കി.

His efforts & path won’t be stopped by his martyrdom, by God’s Power, rather a #SevereRevenge awaits the criminals who have stained their hands with his & the other martyrs’ blood last night. Martyr Soleimani is an Intl figure of Resistance & all such people will seek revenge. /3

— Khamenei.ir (@khamenei_ir) January 3, 2020

ഉ​ത്ത​ര​വി​ട്ട​ത്​ ട്രം​പ്​​
ബ​ഗ്ദാ​ദ് വി​മാ​ന​ത്താ​വ​ള​ത്തി​ൽ വ്യോ​മാ​ക്ര​മ​ണം ന​ട​ത്തി​യ​ത്​​ പ്ര​സി​ഡ​ൻ​റ്​ ട്രം​പി‍​​​െൻറ നി​ര്‍ദേ​ശ പ്ര​കാ​രം. പ​​​െൻറ​ഗ​ൺ ഇ​ക്കാ​ര്യം സ്​​ഥി​രീ​ക​രി​ച്ചു. ഇ​റാ​ഖി​ലെ അ​മേ​രി​ക്ക​ൻ ന​യ​ത​ന്ത്ര ഉ​ദ്യോ​ഗ​സ്ഥ​രെ ഇ​റാ​​​​െൻറ നേ​തൃ​ത്വ​ത്തി​ൽ ആ​ക്ര​മി​ക്കാ​ൻ ഒ​രു​ക്കം ന​ട​ക്കു​ന്നു​ണ്ടെ​ന്ന വി​വ​രം ല​ഭി​ച്ച​തി​നെ തു​ട​ർ​ന്നാ​ണ് ന​ട​പ​ടി. ഭാ​വി​യി​ലെ ആ​ക്ര​മ​ണ​ങ്ങ​ളെ മു​ള​യി​ലേ നു​ള്ളാ​നു​ള്ള നീ​ക്ക​മാ​ണി​തെ​ന്നും പ​​​െൻറ​ഗ​ൺ വി​ശ​ദീ​ക​രി​ച്ചു.

ഇ​സ്​​മാഈൽ ഗാ​നി പു​തി​യ മേ​ധാ​വി
ഇ​റാ​ൻ ഇ​സ്​​ലാ​മി​ക്​ ​െറ​വ​ലൂ​ഷ​ന​റി ഗാ​ർ​ഡ്​ ത​ല​വ​നാ​യി ഇ​സ്​​മാ​ഈൽ ഗാ​നി​യെ നി​യ​മി​ച്ചു. നി​ല​വി​ൽ ഇ​സ്​​ലാ​മി​ക്​ െറ​വ​ലൂ​ഷ​ന​റി ഗാ​ർ​ഡി​​​​​െൻറ ഡെ​പ്യൂ​ട്ടി ക​മാ​ൻ​ഡ​റാ​ണ്​ ​അ​ദ്ദേ​ഹം. ആ​യ​ത്തു​ല്ല അ​ലി ഖാം​ന​ഈ​യാ​ണ്​ നി​യ​മ​നം പ്ര​ഖ്യാ​പി​ച്ച​ത്.

The US' act of international terrorism, targeting & assassinating General Soleimani—THE most effective force fighting Daesh (ISIS), Al Nusrah, Al Qaeda et al—is extremely dangerous & a foolish escalation.

The US bears responsibility for all consequences of its rogue adventurism.

— Javad Zarif (@JZarif) January 3, 2020

ബ​ന്ധ​ത്തി​ൽ കൂ​ടു​ത​ൽ വി​ള്ള​ൽ
ആ​ക്ര​മ​ണ​ത്തി​നു പി​ന്നാ​ലെ യു.​എ​സ്-​ഇ​റാ​ൻ-​ഇ​റാ​ഖ് ബ​ന്ധം കൂ​ടു​ത​ൽ വ​ഷ​ളാ​യി. രാ​ജ്യാ​ന്ത​ര വി​പ​ണി​യി​ൽ എ​ണ്ണ വി​ല കൂ​ടി. മൂ​ന്ന് ശ​ത​മാ​നം വ​ർ​ധ​ന​യാ​ണ് രേ​ഖ​പ്പെ​ടു​ത്തി​യ​ത്. അ​തി​​നി​ടെ, അ​മേ​രി​ക്ക​ൻ പൗ​ര​ന്മാ​ർ ഉ​ട​ൻ ഇ​റാ​ഖ് വി​ട​ണ​മെ​ന്ന് യു.​എ​സ് എം​ബ​സി മു​ന്ന​റി​യി​പ്പ് ന​ൽ​കി.
ക​ഴി​യു​മെ​ങ്കി​ൽ വി​മാ​നം വ​ഴി​യോ അ​ല്ലെ​ങ്കി​ൽ മ​റ്റു രാ​ജ്യ​ങ്ങ​ളി​ലൂ​ടെ റോ​ഡ് മാ​ർ​ഗ​മോ ഇ​റാ​ഖ് വി​ടാ​നാ​ണ് നി​ർ​ദേ​ശം.