ഇസ്​മാഈൽ ഖാനി പുതിയ ഇസ്​ലാമിക്​ റവല്യൂഷണറി ഗാർഡ്​ തലവൻ

തെഹ്​റാൻ: ഇറാൻ ഇസ്​ലാമിക്​ റവല്യൂഷണറി ഗാർഡ്​ തലവനായി ഇസ്​മാഈൽ ഖാനിയെ നിയമിച്ചു. നിലവിൽ ഇസ്​ലാമിക്​ റവല്യൂഷണ റി ഗാർഡി​​െൻറ ഡെപ്യൂട്ടി കമാൻഡറാണ്​ ​ഖാനി. യു.എസ്​ വ്യോമാക്രമണത്തിൽ ഖാസിം സുലൈമാനി കൊല്ലപ്പെട്ടതിനെ തുടർന് നാണ്​ പുതിയ നിയമനം. ഇറാൻ പരമോന്നത നേതാവ്​ ആയത്തുല്ല അലി ഖാംനഈയാണ്​ പുതിയ നിയമനം നടത്തിയത്​.

1997ലാണ്​ ഇസ്​ലാമിക്​ റെവല്യൂഷണറി ഗാർഡി​​െൻറ ഡെപ്യൂട്ടി കമാൻഡറായി ഖാനി നിയമിതനാവുന്നത്​. ഖാനിയുമായി ഇസ്​ലാമിക്​ റവല്യൂഷണറി ഗാർഡിലെ അംഗങ്ങളെല്ലാം സഹകരിക്കണമെന്ന്​ ഇറാൻ പരമോന്നത നേതാവ്​ ആവശ്യപ്പെട്ടു. അമേരിക്കക്കെതിരെ കടുത്ത വിമർശനങ്ങൾ ഉന്നയിച്ചിട്ടുള്ള വ്യക്​തിയാണ്​ ഇസ്​മാഈൽ ഖാനി.

ഇറാഖിലെ ബഗ്ദാദ് വിമാനത്താവളത്തിൽ അമേരിക്ക നടത്തിയ വ്യോമാക്രമണത്തിൽ ഇറാന്‍റെ മുതിർന്ന സൈനിക കമാൻഡർ ഖാസിം സുലൈമാനി ഉൾപ്പടെ എട്ടുപേരാണ്​ കൊല്ലപ്പെട്ടത്​. ഇസ്​ലാമിക് റവല്യൂഷണറി ഗാര്‍ഡ് തലവനാണ് ഖാസിം സുലൈമാനി. ഇറാന്‍ പിന്തുണയുള്ള ഇറാഖിലെ പൗരസേനകളുടെ ഡെപ്യൂട്ടി കമാന്‍ഡറായ അബു മഹ്ദി അല്‍ മുഹന്ദിസും കൊല്ലപ്പെട്ടവരിൽ ഉൾപ്പെടുന്നു.