ഇൻറർപോൾ മേധാവി ചൈ​നീ​സ്​ ത​ട​വ​റ​യി​ൽ

ബെയ്​ജിങ്​: ചൈനയിൽ കമ്യൂണിസ്​റ്റ്​​ ഭരണകൂടത്തിന്​ അപ്രിയമായത്​ ചെയ്യുന്നവരെ കാത്തിരിക്കുന്നത്​ തടവറയാണ്​. ഇൻറർപോൾ ​മേധാവി മെങ്​ ഹോങ്​വെയുടെ ഗതിയും അതുതന്നെ​. എന്നാൽ, രാജ്യത്ത്​ സുരക്ഷ ചുമതലയടക്കം സുപ്രധാന സ്​ഥാനമാനങ്ങൾ അലങ്കരിച്ച മെങിനോട്​ അപ്രിയം തോന്നാനുള്ള സാഹചര്യം എന്തെന്ന്​ അറിവായിട്ടില്ല.

അഴിമതിയുമായി ബന്ധപ്പെട്ട അന്വേഷണമാണ്​ മെങി​​​െൻറ തിരോധാനത്തിനു പിന്നിലെന്നാണ്​ കരുതുന്നത്​. മെങ്ങി​​​െൻറ​ സഹപ്രവർത്തകരിൽ പലരും പ്രസിഡൻറ്​ ഷി ജിൻപിങ്ങി​​​െൻറ നോട്ടപ്പുള്ളികളാണ്​. അവരിൽ കൂടുതൽ പേരെയും ജയിലിലടക്കുകയും ചെയ്​തു. മെങ്ങിനെ ​ചൈനീസ്​ അധികൃതർ ചോദ്യം ചെയ്യുകയാണെന്ന്​ സൗത്ത്​​ ചൈന മോണിങ്​ പോസ്​റ്റ്​ റിപ്പോർട്ട്​ ചെയ്​തു. അതി​​​െൻറ വിശദ വിവരങ്ങളെ കുറിച്ച്​ റിപ്പോർട്ടിൽ പറയുന്നില്ല.

ചൈനക്കും ഫ്രാൻസിനും ഇടയിലെ പ്രധാന വിഷയമാണ്​ മെങ്ങി​​​െൻറ തിരോധാനമെന്ന്​ ഇൻറർപോൾ ട്വീറ്റ്​ ചെയ്​തിരുന്നു. തിരോധാനത്തെക്കുറിച്ച്​ ഭാര്യ ഇൻറർപോളിൽ പരാതി നൽകിയതോടെയാണ്​ ലോകം അറിഞ്ഞത്​. മെങ്ങിനെ കുറിച്ചുള്ള ചോദ്യങ്ങൾക്ക്​ മറുപടിപറയാതെ ചൈന കൈമലർത്തുകയാണ്​. ഒൗദ്യോഗിക മാധ്യമങ്ങളൊന്നും വാർത്ത റിപ്പോർട്ട്​ ചെയ്​തിട്ടുമില്ല. ഇദ്ദേഹത്തി​​​െൻറ പേരോ മറ്റു വിവരങ്ങളോ സമൂഹമാധ്യമങ്ങളിൽ വരുന്നത്​ തടയണമെന്നും നിർദേശമുണ്ട്​.

മാസങ്ങളുടെ ഇടവേളകൾക്കിടെ ചൈനയിൽനിന്ന്​ അപ്രത്യക്ഷനാകുന്ന രണ്ടാമത്തെ പ്രമുഖ വ്യക്​തിയാണ്​ മെങ്​. പ്രശസ്​ത നടി ഫാൻ ബിങ്​ബിങ്ങിനെ കഴിഞ്ഞ ജൂലൈ മുതൽ കാണാതായിരുന്നു. ചൈനീസ്​ തടവറയിലാണ്​ ബിങ്​ ഉള്ളതെന്നാണ്​ റിപ്പോർട്ട്​. നികുതിവെട്ടിപ്പ്​ ആരോപിച്ച്​ ഇവർക്കെതിരെ ഏഴുകോടി ഡോളർ പിഴ ചുമത്തിയിരുന്നു.