ഹിന്ദു മാരേജ്​ ബിൽ പാകിസ്​താനിൽ നിയമമായി

ഇസ്​ലമാബാദ്: ഹിന്ദു മാരേജ്​ ബില്ലിന്​ പാകിസ്​താൻ പ്രസിഡൻറ്​ മംനൂൻ ഹുസൈൻ അംഗീകാരം നൽകി​.  ഇതോടെ ഹിന്ദു മാരേജ്​ ബിൽ പാക്​സിതാനിൽ നിയമമായി . ഹിന്ദു മാരേജ്​ ആക്​ട്​ യാഥാർഥ്യമായതോടെ ഹിന്ദു സ്​ത്രീകൾക്ക്​ വിവാഹത്തി​​െൻറ ഒൗദ്യോഗിക രേഖ ലഭിക്കും. ഇതിനൊടപ്പം ഹിന്ദു കുടുംബങ്ങളുടെ അവകാശങ്ങൾക്കും പ്രാധാന്യം നൽകുന്നതാണ്​ നിയമം. 

2015 സെപ്​തംബർ 26ന്​ ബില്ലിന്​ പാകിസ്​താൻ നാഷണൽ കൗൺസിൽ അംഗീകാരം നൽകിയിരുന്നു. ഇൗ വർഷം ഫെബ്രുവരിയിൽ സെനറ്റി​​െൻറയും അംഗീകാരം ബില്ലിന്​ ലഭിച്ചിരുന്നു.

പാകിസ്​താനിലെ ന്യൂനപക്ഷങ്ങൾക്ക്​ തുല്യ അവകാശങ്ങൾ നൽകാൻ സർക്കാർ പ്രതിജ്ഞബദ്ധമാണെന്ന്​ പ്രധാനമന്ത്രി നവാസ്​ ശരീഫ് ബില്ലിനെ കുറിച്ച്​​ പറഞ്ഞു. എല്ലാ സമൂഹങ്ങളെയും പോലെ അവരും രാജ്യസ്​നേഹമുള്ളവരാണെന്നും അവർക്ക്​ തുല്യഅവകാശങ്ങൾ നൽകുക എന്നത്​ പാക്​ സർക്കാറി​​െൻറ കടമയാണെന്നും ശരീഫ്​ കൂട്ടിച്ചേർത്തു.

വിവാഹത്തി​​െൻറ രജിസ്​ട്രേഷൻ, വിവാഹ മോചനം, പുനർ വിവാഹം എന്നീ കാര്യങ്ങളിൽ കൃത്യമായ നിർവചനങ്ങൾ നൽകുന്നതാണ്​പുതിയ നിയമം. വിവാഹത്തിനുള്ള പ്രായം സത്രീകൾക്കും പുരഷൻമാർക്കും 18 വയസാണെന്നും നിയമത്തിൽ പറയുന്നുണ്ട്​.