ജു​ങ്കോ താ​ബെക്ക്​ പി​റ​ന്നാ​ൾ മ​ധു​ര​വു​മാ​യി ഗൂ​ഗ്​​ൾ ഡൂ​ഡ്​​ൽ

ന്യൂ​യോ​ർ​ക്​: എ​വ​റ​സ്​​റ്റ്​ കീ​ഴ​ട​ക്കി​യ ആ​ദ്യ വ​നി​ത ജു​ങ്കോ താ​ബെ​യു​ടെ 80ാം പി​റ​ന്നാ​ള്‍ ദി​ന​ത്തി ​ല്‍ ആ​ദ​ര​മ​ര്‍പ്പി​ച്ച് പ്ര​ത്യേ​ക ഡൂ​ഡി​ലൊ​രു​ക്കി ഗൂ​ഗ്​​ൾ. 1975 മേ​യ് 16നാ​ണ് ജു​ങ്കോ എ​വ​റ​സ്​​റ്റ്​ കീ ​ഴ​ട​ക്കി​യ​ത്. എ​വ​റ​സ്​​റ്റ്​ കീ​ഴ​ട​ക്കു​ന്ന 36ാമ​ത്തെ വ്യ​ക്തി​യാ​യി​രു​ന്നു അ​വ​ർ. ഏ​ഴു ഭൂ​ഖ​ണ്ഡ​ങ്ങ​ളി​ലെ ഏ​ഴു കൊ​ടു​മു​ടി​ക​ൾ ആ​ദ്യ​മാ​യി കീ​ഴ​ട​ക്കി​യ വ​നി​ത ജു​ങ്കോ​യാ​യി​രു​ന്നു. 1992ലാ​ണ് ആ ​നേ​ട്ടം സ്വ​ന്ത​മാ​ക്കി​യ​ത്.

1939ല്‍ ​ജ​പ്പാ​ന്‍ ഫു​കു​ഷി​മ​യി​ലെ മി​ഹാ​രു എ​ന്ന ചെ​റി​യ പ​ട്ട​ണ​ത്തി​ൽ ജ​നി​ച്ച ജു​ങ്കോ 10ാം വ​യ​സ്സി​ൽ പ​ര്‍വ​താ​രോ​ഹ​ണം തു​ട​ങ്ങി. സ്‌​കൂ​ളി​ല്‍നി​ന്ന് നാ​സു​പ​ര്‍വ​ത നി​ര​ക​ളി​ലേ​ക്ക് ന​ട​ത്തി​യ ഒ​രു യാ​ത്ര​യി​ല്‍ അ​ധ്യാ​പി​ക​യു​ടെ സ​ഹാ​യ​ത്തോ​ടെ കൊ​ച്ചു ജു​ങ്കോ നാ​സു​വി​നെ കീ​ഴ​ട​ക്കി. അ​തോ​ടെ പ​ര്‍വ​താ​രോ​ഹ​ണം ഒ​രു ഹ​ര​മാ​യി. ബി​രു​ദ പ​ഠ​ന സ​മ​യ​ത്തു​ത​ന്നെ ഷോ​വ വി​മ​ന്‍സ് സ​ര്‍വ​ക​ലാ​ശാ​ല​യി​ലെ പ​ര്‍വ​താ​രോ​ഹ​ക ക്ല​ബി​ല്‍ അം​ഗ​മാ​യി​രു​ന്ന അ​വ​ര്‍ 1969ല്‍ ​വ​നി​ത​ക​ള്‍ക്കാ​യി പ​ര്‍വ​താ​രോ​ഹ​ക ക്ല​ബ് സ്ഥാ​പി​ച്ചു.

1972ഓ​ടെ ജ​പ്പാ​നി​ലെ മി​ക​ച്ച പ​ര്‍വ​താ​രോ​ഹ​ക എ​ന്ന പേ​രി​ൽ അ​റി​​യ​പ്പെ​ട്ടു. പി​ന്നീ​ടാ​ണ്​ എ​വ​റ​സ്​​റ്റ്​ കീ​ഴ​ട​ക്ക​ണ​മെ​ന്ന ആ​ഗ്ര​ഹം ഉ​ള്ളി​ലു​റ​ച്ച​ത്. 1975 മേ​യ് നാ​ലാം തീ​യ​തി​യാ​ണ് ജു​ങ്കോ നേ​തൃ​ത്വം ന​ൽ​കി​യ സം​ഘം എ​വ​റ​സ്​​റ്റ്​ യാ​ത്ര തു​ട​ങ്ങി​യ​ത്. ​ട​െൻറു​ക​ൾ ഒ​ലി​ച്ചു​പോ​യ​ത​ട​ക്കം ഏ​റെ വെ​ല്ലു​വി​ളി​ക​ൾ നേ​രി​ട്ട്​ ജു​ങ്കോ മേ​യ് 16ന് ​എ​വ​റ​സ്​​റ്റ്​ കീ​ഴ​ട​ക്കി. പ​ര്‍വ​താ​രോ​ഹ​ണ​ത്തി​നി​ടെ പ​രി​ച​യ​പ്പെ​ട്ട മ​സ​നോ​ബു ത​ബെ​യി ആ​ണ്​ ജീ​വി​ത പ​ങ്കാ​ളി. ദ​മ്പ​തി​ക​ൾ​ക്ക്​ ര​ണ്ടു​മ​ക്ക​ൾ പി​റ​ന്നു. അ​ർ​ബു​ദ ബാ​ധി​ത​യാ​യ ജു​ങ്കോ 2016 ഒ​ക്ടോ​ബ​റി​ല്‍ അ​ന്ത​രി​ച്ചു.