ഗസ്സയിൽ വീണ്ടും ഇസ്രായേൽ ആക്രമണം

ഗസ്സ: ഫലസ്​തീൻ പ്രദേശമായ ഗസ്സയിൽ വീണ്ടും ഇസ്രായേലി​​​െൻറ വ്യോമാക്രമണം. ഹമാസി​​​െൻറ സായുധവിഭാഗമായ അൽ ഖസ്സാം ബ്രിഗേഡി​​​െൻറ നിയന്ത്രണത്തിൽ വടക്കൻ ഗസ്സയിലെ ജബലിയയിലെ ക്യാമ്പിലും ബൈത്ത്​ ലാഹിയയിലെ കൃഷിയിടത്തിലുമാണ്​ ആക്രമണമുണ്ടായത്​. ആർക്കും പരിക്കില്ല. 
അതിനിടെ, വടക്കൻ ഗസ്സയിലെ അതിർത്തിക്കടുത്ത്​ പ്രതിഷേധിച്ച ഫലസ്​തീനികൾക്കുനേരെ ഇസ്രായേൽ സൈന്യം നടത്തിയ ആക്രമണത്തിൽ പരിക്കേറ്റ ഒരാൾകൂടി മരിച്ചു. മാർച്ച്​ 30ന്​ ഖാൻ യൂനുസിലുണ്ടായ ആക്രമണത്തിൽ പരിക്കേറ്റ മർവാൻ ഖുദിയ (45) ആണ്​ മരിച്ചതെന്ന്​ ഗസ്സ ആരോഗ്യ മന്ത്രാലയം അറിയിച്ചു. ഇതോടെ ആക്രമണത്തിൽ മരിച്ചവരുടെ എണ്ണം 31 ആയി.