മുൻ ദക്ഷിണകൊറിയൻ പ്രധാനമന്ത്രി കിം ജോങ്​ പിൽ അന്തരിച്ചു

സിയോൾ: ദക്ഷിണകൊറിയൻ മുൻ പ്രധാനമന്ത്രി കിം ജോങ്​ പിൽ അന്തരിച്ചു. ദക്ഷിണകൊറിയൻ രഹസ്യാന്വേഷണ എജൻസി രൂപീകരിക്കുന്നതിൽ മുഖ്യ പങ്ക്​ വഹിച്ച വ്യക്​തിയാണ്​ കിം ജോങ്​ പിൽ.

വാർധ്യകസഹജമായ അസുഖങ്ങളെ തുടർന്ന്​ രാവിലെ 8.15ഒാടെയായിരുന്നു അന്ത്യം. ശാരീരിക അസ്വസ്ഥതകൾ അനുഭവപ്പെട്ടതിനെ തുടർന്ന്​ അദ്ദേഹത്തെ സുൻചൻഹാങ്​ യൂനിവേഴ്​സിറ്റി ആശുപത്രിയിൽ പ്രവേശിപ്പിച്ചു. എന്നാൽ ആശുപത്രിയിൽ എത്തുന്നതിന്​ മുമ്പ്​ തന്നെ മരിച്ചതായി അധികൃതർ അറിയിച്ചു.

1926ൽ ജനിച്ച കിം കോറിയ മിലിട്ടറി അക്കാദമിയിൽ നിന്നാണ്​ ബിരുദ പഠനം പൂർത്തിയാക്കിയത്​. 1961ൽ പ്രസിഡൻറ്​ പാർക്ക്​ ചങ്​ ഹിയുടെ നേതൃത്വത്തിലുള്ള സൈന്യത്തിൽ നിർണായക സേവനം അനുഷ്​ഠിച്ചു. 1971-1975 വരെയുള്ള കാലയളവിലും 1998-2000 കാലയളവിലും അദ്ദേഹം കൊറിയൻ പ്രധാനമന്ത്രിയായി സേവനമനുഷ്​ഠിച്ചിട്ടുണ്ട്​. 1980-90കളിലെ കൊറിയയിലെ ഏറ്റവും സ്വാധീനമുണ്ടായിരുന്ന രാഷ്​ട്രീയക്കാരിൽ ഒരാളായിരുന്നു കിം ജോങ്​ പിൽ.