അപൂര്‍വരോഗബാധ: പർവേസ്​​ മുശറഫിനെ ദുബൈയിലെ ആശുപത്രിയിലേക്ക്​ മാറ്റി

ഇസ്​ലമാബാദ്: അപൂര്‍വരോഗബാധയെ തുടര്‍ന്ന് പാകിസ്താന്‍ മുൻ പ്രസിഡൻറ്​ പര്‍വേസ് മുശറഫിനെ വിദഗ്ധചികിത്സക്കായി ദുബായിലെ ആശുപത്രിയിലേക്ക് മാറ്റി. അമിലോയിഡോസിസ് എന്ന അപൂര്‍വരോഗത്തിന് ചികിത്സയിലായിരുന്ന മുശറഫിനെ രോഗം വഷളായതിനെ തുടര്‍ന്ന് ശനിയാഴ്ചയാണ് ദുബായിലേക്ക് കൊണ്ടുപോയതെന്ന് പാക് മാധ്യമമായ ഡോണ്‍ റിപ്പോര്‍ട്ട് ചെയ്തു.

മുശറഫി​​െൻറ ആരോഗ്യസ്ഥിതി മോശമായിക്കൊണ്ടിരിക്കുന്നതായി ഓള്‍ പാകിസ്താന്‍ മുസ്​ലിം ലീഗ് ഓവർസീസ്​ പ്രസിഡൻറ്​ അഫ്​സൽ സിദ്ദിഖി അറിയിച്ചു.

കഴിഞ്ഞ വർഷം ഒക്​ടോബറിലാണ്​ മുശറഫിന്​ അമിലോയിഡോസിസ് ബാധയാണെന്ന്​ സ്ഥിരീക്രിച്ചത്​. ഇൗ രോഗാവസ്ഥ മൂലം അദ്ദേഹത്തിന്​ നില്‍ക്കുന്നതിനും നടക്കുന്നതിനും ബുദ്ധിമുട്ടായിരുന്നു. ലണ്ടനിലാണ്​ അദ്ദേഹം ചികിത്സ തേടിയിരുന്നത്​.