ഇറാനിൽ ഗവേഷകക്ക്​ ആറ്​ വർഷം തടവ്​

തെഹ്​റാൻ: ഇറാ​​െൻറയും ​​ഫ്രാൻസി​​െൻറയും പൗരത്വമുള്ള പ്രമുഖ ഗവേഷകക്ക്​ ഇറാനിയൻ കോടതി ആറുവർഷം തടവുശിക്ഷ വിധിച്ചു. രാജ്യസുരക്ഷക്ക്​ ഭീഷണിയുയർത്തിയതായും ഇസ്​ലാമിക സംവിധാനത്തിനെതിരെ പ്രചാരണം നടത്തിയതായും ചൂണ്ടിക്കാട്ടിയാണ് നരവംശ ശാസ്​ത്രജ്ഞയായ ഫാരിബ ആദിൽഖയെ ശിക്ഷിച്ചതെന്ന്​ അഭിഭാഷക സഈദ്​ ദേഘാൻ വാർത്ത ഏജൻസിയോട്​ പറഞ്ഞു.

നിരന്തരമായി ഇറാൻ സഞ്ചരിച്ചിരുന്ന ഫ്രഞ്ച്​ പൗരത്വമുള്ള ഫാരിബയെ രാജ്യസുരക്ഷക്ക്​ ഭീഷണിയുയർത്തിയതിനും അനധികൃതമായി കൂടിച്ചേരലുകൾ നടത്തിയതിനും അഞ്ചുവർഷവും ഇസ്​ലാമിക സംവിധാനത്തെ മോശമായി ചിത്രീകരിച്ചതിന്​ ഒരു വർഷവുമാണ്​ ശിക്ഷിച്ചത്​. കോടതി വിധിക്കെതി​െ​ര അപ്പീൽ നൽകുമെന്ന്​ അഭിഭാഷക പറഞ്ഞു. ചാരവൃത്തിയെന്ന കുറ്റം ചുമത്തി കഴിഞ്ഞ ജൂലൈയിലാണ്​ ഇറാൻ അധികൃതർ അറസ്​റ്റ്​ ചെയ്​തത്​.