Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightഎവറസ്​റ്റ്​ വീണ്ടും...

എവറസ്​റ്റ്​ വീണ്ടും അളക്കുന്നു; നേപ്പാളിന്​ ചൈനയുടെ സഹായം

text_fields
bookmark_border
എവറസ്​റ്റ്​ വീണ്ടും അളക്കുന്നു;  നേപ്പാളിന്​ ചൈനയുടെ സഹായം
cancel

കാഠ്​മണ്​ഡു: ലോകത്തെ ഏറ്റവും വലിയ പർവതമായ എവറസ്​റ്റി​​െൻറ ഉയരം വീണ്ടും അളക്കുന്നു. 2015ൽ നേപാളിനെ തകർത്ത വൻ ഭൂകമ്പത്തിനു ശേഷം എവറസ്​റ്റി​​െൻറ ഉയരം കുറഞ്ഞെന്ന സൂചനകളെ തുടർന്നാണ്​ ചൈനയുടെ സഹായത്തോടെ ഉയരം വീണ്ടും കണക്കാക്കുന്നത്​. സംഭവത്തിൽ മൂന്നു സ​െൻറീമീറ്റർ ഉയരം കുറഞ്ഞതായാണ്​ കരുതുന്നത്​.

8,848 മീറ്ററാണ്​ രേഖകൾപ്രകാരം എവറസ്​റ്റി​​െൻറ ഉയരം. ഉയരമളക്കാൻ സഹായിക്കാമെന്ന്​ 2017ൽ ഇന്ത്യ നേപാളിന്​ വാഗ്​ദാനം നൽകിയിരുന്നു. എന്നാൽ, കഴിഞ്ഞ ദിവസം രാജ്യം സന്ദർശിച്ച ചൈനീസ്​ പ്രസിഡൻറ്​ ഷി ജിങ്​പിങ്ങും നേപാൾ പ്രസിഡൻറ്​ ബിദ്യ ദേവി ഭണ്ഡാരി, പ്രധാനമന്ത്രി കെ.പി ശർമ ഓലി എന്നിവരും നടത്തിയ ചർച്ചകളിലാണ്​ തീരുമാനം.

ഇന്ത്യയുടെ സർവേയർ ജനറലായിരുന്ന സർ ജോർജ്​ എവറസ്​റ്റി​​െൻറ നേതൃത്വത്തിൽ 1855ൽ ഇന്ത്യയായിരുന്നു ആദ്യമായി എവറസ്​റ്റി​​െൻറ ഉയരം കണക്കാക്കിയിരുന്നത്​. 1956ൽ വീണ്ടും സർവേ നടത്തി ഉയരം ഔദ്യോഗികമായി പ്രഖ്യാപിച്ചു. 2015ൽ നടന്ന ഗോർഖ ഭൂകമ്പത്തിനു ശേഷം ശാസ്​ത്രജ്​ഞരാണ്​ സംശയങ്ങളുമായി രംഗത്തെത്തിയത്​. ഇതിനു പിന്നാലെ വീണ്ടും അളക്കാൻ തയാറാണെന്ന്​ ഇന്ത്യ അറിയി​ച്ചു.

Show Full Article
TAGS:everest china nepal world news malayalam news 
Next Story