പർവതാരോഹകർ വൃത്തികേടാക്കുന്നു; എവറസ്​റ്റിൽ നിന്നും 100ടൺ മാലിന്യം​ നീക്കം ചെയ്യും

കാഠ്​മണ്ഡു: എവറസ്​റ്റ്​ കൊടുമുടിയിൽ പർവതാരോഹകരും വിനോദ സഞ്ചാരികളും ഉപേക്ഷിച്ച്​ പോകുന്ന മാലിന്യങ്ങൾ നീക്കം ചെയ്യാനുള്ള പ്രവർത്തനങ്ങൾക്ക്​ നേപ്പാൾ സർക്കാർ തുടക്കമിട്ടു. 100 ടൺ ​മാലിന്യം​ കൊടുമുടിയിൽ നിന്നും നീക്കം ചെയ്യൽ ലക്ഷ്യം വെക്കുന്ന കാംപയിനിനാണ്​ തുടക്കമായത്​​. ആദ്യ ദിവസം തന്നെ 1200 കിലോയോളം മാലിന്യം​ ലുക്​ല എയർപോർട്ടിൽ നിന്നും കാഠ്​മണ്ഡുവിലേക്ക്​ ​െ​കാണ്ടുപോയി​. 

ലോകത്തിലെ ഏറ്റവും വലിയ കൊടുമുടിയായ എവറസ്​റ്റിലേക്ക്​ വരുന്ന പർവതാരോഹകരും വിനോദ സഞ്ചാരികളും കിലോ കണക്കിന് സാധന സാമഗ്രികളാണ്​ പരിസരത്ത്​ ഉപേക്ഷിച്ച്​ മടങ്ങുന്നത്​. ബിയർ ബോട്ടിലുകളും ഒാക്​സിജൻ കാനുകളും ഭക്ഷണ ടിന്നുകളും വ്യാപകമായി ഉപേക്ഷിക്കപ്പെടുന്നു. വിമാന മാർഗം ഇവ തലസ്​ഥാന നഗരിയിലെത്തിക്കുകയും തുടർന്ന്​ പുനരുപയോഗിക്കാനാണ്​ സർകാർ​ ഉദ്ദേശിക്കുന്നത്​. 

പർവതാരോഹകരോട്​ കൊടുമുടി കയറു​​േമ്പാൾ കൊണ്ടുപോകുന്ന സാധനങ്ങൾ എല്ലാം തിരികെ കൊണ്ടുവരണം എന്ന നിർദേശം നിലനിൽകെയാണ്​ എവറസ്​റ്റിൽ ടൺകണക്കിന്​ മാലിന്യങ്ങൾ നീക്കം ചെയ്യേണ്ട അവസ്​ഥയുള്ളത്​. സ്വകാര്യ കമ്പനിയായ യേറ്റി എയർലൈൻസാണ് മാലിന്യം രാജ്യ തലസ്​ഥാനത്തെത്തിക്കുക. 

ഷേർപാസ്​ എന്നറിയ​പ്പെടുന്ന ലോക്കൽ ഗൈഡുകളായിരുന്നു വർഷങ്ങളായി ക്ലീനിങ്​ കാംപയിനിന്​ നേതൃത്വം നൽകിയിരുന്നത്​​. എന്നാൽ ഇനിമുതൽ സാഗർമാത പൊല്യൂഷൻ കൺട്രോൾ കമ്മിറ്റിയായിരിക്കും കാംപയിനി​ന്​ ചുക്കാൻപിടിക്കുക. എങ്കിലും ഉയർന്ന ആൾടിറ്റ്യൂഡിലുള്ള മാലിന്യം ഷേർപാസ് തന്നെയായിരിക്കും ശേഖരിക്കുക.

പൊല്യൂഷൻ കൺട്രോൾ കമ്മിറ്റിയുടെ കണക്ക്​ പ്രകാരം ഒരു ലക്ഷത്തോള​ം പേരാണ്​ കഴിഞ്ഞ വർഷം എവറസ്​റ്റ്​ സന്ദർശിച്ചത്​. ഇതിൽ 40000 ത്തോളം പേർ ട്രക്കർമാരും പർവതാരോഹകരുമാണ്​.