കടലിൽ മുങ്ങിത്താഴ്​ന്ന ആന​ക്ക്​ രക്ഷയായത്​ ശ്രീലങ്കൻ നാവിക സേന VIDEO

കൊളംബോ: കടലിലേക്ക്​ ഒഴുകിപ്പോയ ആനയെ രക്ഷിക്കാനെത്തിയത്​​ ശ്രീലങ്കൻ നാവിക സേന. ലങ്കയു​െട വടക്കുകിഴക്കൻ തീരത്താണ്​ സംഭവം. 

നാവിക സേനയുടെ പട്രോളിങ്​ സംഘമാണ്​ ആനയെ കടലിൽ മുങ്ങിത്താഴുന്ന നിലയിൽ കണ്ടെത്തിയത്​. തുടർന്ന്​ വന്യജീവി സംരക്ഷണ വിഭാഗവുമായി ചേർന്ന്​ രക്ഷാപ്രവർത്തനം നടത്തുകയായിരുന്നു. 12 മണിക്കൂർ നീണ്ട ശ്രമത്തിനൊടുവിലാണ്​ ആനയെ രക്ഷിച്ചത്​. 

കോക്കിലൈ വന മേഖലയില്‍ നിന്ന്​ കടൽ നീന്തിക്കടക്കാൻ ശ്രമിക്കു​േമ്പാൾ ഒഴുക്കിൽ പെ​ട്ടതാകാമെന്നാണ്​ കരുതുന്നത്​. ഒഴുക്കില്‍ പെട്ട ആന തീരത്തുനിന്ന് 10 മൈലോളം അകലേക്ക് ഒഴുകിപ്പോയി. അതിനിടെയാണ്​ നാവിക സേനയുടെ ശ്രദ്ധയിൽ പെ​ട്ടത്​. വന്യമൃഗങ്ങളെ എങ്ങനെ കൈകാര്യം ചെയ്യണമെന്ന്​ അറിയാത്തതിനാൽ വന്യജീവി സംരക്ഷണ വിഭാഗവുമായി ബന്ധപ്പെടുകയായിരുന്നെന്ന്​ നേവിയുടെ വക്​താവ്​ ചാമിന്ദ വാൽക്കഗുലെ പറഞ്ഞു. 

രക്ഷാപ്രവർത്തനത്തിനുമുമ്പ്​ ആനയുമായി ബന്ധം സ്​ഥാപിക്കണമെന്ന്​ ഉദ്യോഗസ്​ഥർ പറഞ്ഞു. അവരുടെ നിർദേശപ്രകാരം നാവിക സേനയുടെ ഉദ്യോഗസ്​ഥരാണ്​ രക്ഷാപ്രവർത്തനം നടത്തിയത്​. 12 മണിക:ൂർ നേരത്തെ രക്ഷാ പ്രവർത്തനത്തിനൊടുവിൽ ആനയെ തീരത്തെത്തിക്കുകയായിര​​ുന്നെന്നും വാൽക്കഗുലെ പറഞ്ഞു. 

വെള്ളം കുടിച്ചതി​​​​​​െൻറയും കടലിൽ കൂടുതൽ സമയം നീന്തേണ്ടി വന്നതി​​​​​​െൻറയും ക്ഷീണമല്ലാതെ ആനക്ക്​  മറ്റു ശാരീരിക ബുദ്ധിമുട്ടുകളില്ലാത്തതിനാൽ വന്യജീവി വിഭാഗം അതിനെ യാൻ ഒായ വനമേഖലയിൽ വിട്ടു.