കി​ഴ​ക്ക​ൻ ഗൂ​ത​ ബോം​ബാ​ക്ര​മ​ണം; 13 ദി​വ​സ​ത്തി​നി​ടെ മ​രി​ച്ച​ത്​ 674 പേ​ർ

ഡ​മ​സ്​​ക​സ്​: സി​റി​യ​യി​ലെ കി​ഴ​ക്ക​ൻ ഗൂ​ത​യി​ൽ ര​ണ്ടാ​ഴ്​​ച​യോ​ള​മാ​യി റ​ഷ്യ​ൻ പി​ന്തു​ണ​യോ​ടെ ബ​ശ്ശാ​ർ സൈ​ന്യം തു​ട​രു​ന്ന വ്യോ​മാ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ എ​ണ്ണം 674 ആ​യി. സ​ന്ന​ദ്ധ​സം​ഘ​മാ​യ വൈ​റ്റ്​​ഹെ​ൽ​മ​റ്റ്​ ആ​ണ്​ ക​ണ​ക്ക്​ പു​റ​ത്തു​വി​ട്ട​ത്. ഫെ​ബ്രു​വ​രി 18 മു​ത​ലാ​ണ്​ ആ​ക്ര​മ​ണം തു​ട​ങ്ങി​യ​ത്.

സി​റി​യ​യി​ൽ 30 ദി​വ​സ​ത്തെ വെ​ടി​നി​ർ​ത്ത​ലി​ന്​ യു.​എ​ൻ ര​ക്ഷാ​സ​മി​തി പ്ര​മേ​യം പാ​സാ​ക്കി​​യെ​ങ്കി​ലും പ്രാ​ബ​ല്യ​ത്തി​ലാ​യി​ല്ല. അ​ന്താ​രാ​ഷ്​​ട്ര വി​മ​ർ​ശ​നം ക​ണ​ക്കി​ലെ​ടു​ത്ത്​ റ​ഷ്യ​യു​ടെ നേ​തൃ​ത്വ​ത്തി​ൽ ദി​നേ​ന അ​ഞ്ചു മ​ണി​ക്കൂ​ർ വെ​ടി​നി​ർ​ത്താ​നും ധാ​ര​ണ​യാ​യി​രു​ന്നു. അ​തും ലം​ഘി​ക്ക​പ്പെ​ട്ടു. വെ​ടി​നി​ർ​ത്ത​ൽ ക​രാ​ർ പ്ര​ഖ്യാ​പി​ച്ച​തി​നു​ശേ​ഷം ഇ​തു​വ​രെ 103 പേ​ർ കൊ​ല്ല​പ്പെ​ട്ട​താ​യി വൈ​റ്റ്​ ഹെ​ൽ​മ​റ്റ്​ സം​ഘ​ത്തി​ലെ മ​ഹ്​​മൂ​ദ്​ ആ​ദം പ​റ​ഞ്ഞു.

അ​വ​രി​ൽ 22 പേ​ർ കു​ട്ടി​ക​ളും 43 പേ​ർ സ്​​ത്രീ​ക​ളു​മാ​ണ്. കി​ഴ​ക്ക​ൻ ഗൂ​ത​യി​ലെ ജ​ന​വാ​സ മേ​ഖ​ല​ക​ൾ ല​ക്ഷ്യ​മി​ട്ടാ​ണ്​ റ​ഷ്യ​യു​ടെ​യും സി​റി​യ​ൻ സൈ​ന്യ​ത്തി​​​​െൻറ​യും പോ​ർ​വി​മാ​ന​ങ്ങ​ൾ ഇ​ര​മ്പു​ന്ന​ത്. ആ​ക്ര​മ​ണം ക​ന​ത്ത​തോ​ടെ ജ​ന​ങ്ങ​ൾ ഭൂ​മി​ക്ക​ടി​യി​ൽ ഗ​ർ​ത്ത​ങ്ങ​ളു​ണ്ടാ​ക്കി അ​ഭ​യം തേ​ടി​യി​രി​ക്കു​ക​യാ​ണ്. അ​വ​ശ്യ​സൗ​ക​ര്യ​ങ്ങ​ൾ പോ​ലു​മി​ല്ലാ​ത്ത ഇൗ ​ഗ​ർ​ത്ത​ങ്ങ​ളി​ൽ ദി​വ​സ​ങ്ങ​ളോ​ളം ക​ഴി​യാ​ൻ നി​ർ​ബ​ന്ധി​ത​രാ​വു​ക​യാ​ണ്​ നി​സ്സ​ഹാ​യ​രാ​യ ജ​ന​ങ്ങ​ൾ.

അതിനിടെ, സി​റി​യ​യി​ൽ 30 ദി​വ​സ​ത്തെ വെ​ടി​നി​ർ​ത്ത​ൽ ന​ട​പ്പാ​ക്ക​ണ​മെ​ന്ന്​ ഫ്രാ​ൻ​സ്​ പ്ര​സി​ഡ​ൻ​റ്​ ഇ​മ്മാ​നു​വ​ൽ മാ​ക്രോ​ണും യു.​എ​സ്​ പ്ര​സി​ഡ​ൻ​റ്​ ഡോ​ണ​ൾ​ഡ്​ ട്രം​പും ആ​ഹ്വാ​നം ചെ​യ്​​തു. ര​ക്ഷാ​സ​മി​തി പാ​സാ​ക്കി​യ പ്ര​മേ​യം പ്രാ​ബ​ല്യ​ത്തി​ലാ​ക്കു​ന്ന​തി​ന്​ ബ​ശ്ശാ​ർ ഭ​ര​ണ​കൂ​ട​ത്തി​ൽ റ​ഷ്യ സ​മ്മ​ർ​ദം ചെ​ലു​ത്ത​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.

യു.​എ​ൻ അ​ടി​യ​ന്ത​ര സ​ഹാ​യം 1.8 ല​ക്ഷം ​േപ​ർ​ക്കു​ മാ​ത്രം 

ഡ​മ​സ്​​ക​സ്​: കി​ഴ​ക്ക​ൻ ഗൂ​ത​യി​ൽ കു​ടു​ങ്ങി​ക്കി​ട​ക്കു​ന്ന 1.8 ല​ക്ഷം പേ​ർ​ക്കു​ള്ള സ​ഹാ​യം എ​ത്തി​ക്കാ​ൻ ബ​ശ്ശാ​ർ ഭ​ര​ണ​കൂ​ടം യു.​എ​ന്നി​ന്​ അ​നു​മ​തി ന​ൽ​കി. 2013 മു​ത​ൽ ഉ​പ​രോ​ധ​ത്തി​ൽ ക​ഴി​യു​ന്ന മേ​ഖ​ല​യി​ൽ നാ​ലു ല​ക്ഷ​ത്തോ​ളം പേ​രാ​ണുള്ള​ത്. സ​ഹാ​യ​വു​മാ​യി യു​നി​സെ​ഫി​​​െൻറ നേ​തൃ​ത്വ​ത്തി​ലു​ള്ള സം​ഘം ഞാ​യ​റാ​ഴ്​​ച പു​റ​പ്പെ​ടും. 

കു​ട്ടി​ക​ൾ ഉ​ൾ​പ്പെ​ടെ, അ​ടി​യ​ന്ത​ര വൈ​ദ്യ​സ​ഹാ​യം ആ​വ​ശ്യ​മു​ണ്ടെ​ന്ന്​ യു.​എ​ൻ വ്യ​ക്ത​മാ​ക്കി​യ ആ​യി​ര​ത്തോ​ളം പേ​രു​ടെ കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല. ഇ​വ​രെ യു​ദ്ധ​മേ​ഖ​ല​യി​ല്‍നി​ന്ന്​ പു​റ​ത്തെ​ത്തി​ക്കു​ന്ന​തു സം​ബ​ന്ധി​ച്ച് ഒ​രു​ത​ര​ത്തി​ലു​ള്ള ക​രാ​റു​ക​ൾ​ക്കും സാ​ധ്യ​ത​യി​ല്ലെ​ന്നും യു.​എ​ൻ പ്ര​തി​നി​ധി ഗീ​യ​ർ​ട്ട് കേ​പ്പി​ലെ​യ​ർ പ​റ​ഞ്ഞു.

വി​മ​ത​രു​ടെ ശ​ക്തി​കേ​ന്ദ്ര​ങ്ങ​ളാ​യ ര​ണ്ടു ഗ്രാ​മ​ങ്ങ​ൾ സൈ​ന്യം പി​ടി​ച്ചെ​ടു​ത്തു. കൂ​ടു​ത​ൽ ഇ​ട​ങ്ങ​ളി​ലേ​ക്ക് അ​ക്ര​മം വ്യാ​പി​ക്കു​ക​യാ​ണെ​ന്ന് ഉ​പ​ഗ്ര​ഹ​ദൃ​ശ്യ​ങ്ങ​ൾ വി​ല​യി​രു​ത്തി ക​ഴി​ഞ്ഞ​ദി​വ​സം യു.​എ​ൻ വ്യ​ക്ത​മാ​ക്കി​യി​രു​ന്നു. കെ​ട്ടി​ട​ങ്ങ​ൾ ത​ക​ർ​ന്നു ത​രി​പ്പ​ണ​മാ​യെ​ന്നും റി​പ്പോ​ർ​ട്ടി​ലു​ണ്ട്. കെ​ട്ടി​ടാ​വ​ശി​ഷ്​​ട​ങ്ങ​ൾ​ക്കി​ട​യി​ൽ​പെ​ട്ടാ​ണ് ഒ​ട്ടേ​റെ​പ്പേ​ർ കൊ​ല്ല​പ്പെ​ട്ട​ത്. യു​ദ്ധ​ത്തി​ൽ രാ​സാ​യു​ധ പ്ര​യോ​ഗം ന​ട​ത്തി​യെ​ന്നും റി​പ്പോ​ർ​ട്ടു​ക​ളു​ണ്ട്. അ​തി​നി​ടെ, സി​റി​യ​ക്ക്​ രാ​സാ​യു​ധം ന​ൽ​കു​ന്നു​വെ​ന്ന റി​പ്പോ​ർ​ട്ട് ഉ​ത്ത​ര കൊ​റി​യ ത​ള്ളി. 

ജ​ന​ങ്ങ​ൾ​ക്കാ​യി സി​റി​യ​ൻ സൈ​ന്യം ഒ​രു​ക്കി​യ ‘ര​ക്ഷാ​പാ​ത’  ത​മാ​ശ​യാ​ണെ​ന്ന് യു.​എ​സും കു​റ്റ​പ്പെ​ടു​ത്തി. ജീ​വ​ൻ ന​ഷ്​​ട​പ്പെ​ടു​മെ​ന്ന ഭ​യ​ത്താ​ൽ ഈ ​പാ​ത ഉ​പ​യോ​ഗി​ക്കാ​ൻ അ​വ​ർ ഭ​യ​പ്പെ​ടു​ക​യാ​ണ്. അ​ത്ര​മേ​ൽ അ​ര​ക്ഷി​ത​മാ​ണ്​ മേ​ഖ​ല​യെ​ന്നും യു.​എ​സ് വ്യ​ക്ത​മാ​ക്കി. മേ​ഖ​ല​യി​ലെ ദു​ര​ന്ത​പൂ​ർ​ണ​മാ​യ അ​വ​സ്ഥ വി​ല​യി​രു​ത്താ​ൻ യു.​എ​ൻ മ​നു​ഷ്യാ​വ​കാ​ശ കൗ​ൺ​സി​ൽ അ​ടി​യ​ന്ത​ര യോ​ഗ​വും ചേ​രു​ന്നു​ണ്ട്.