സിറിയയിൽ ​സൈന്യം നടത്തിയ വ്യോമാക്രമണത്തിൽ 23 പേർ കൊല്ലപ്പെട്ടു

ഡമാസ്​കസ്​: സിറിയയിലെ വിമത ​കേന്ദ്രങ്ങൾ ലക്ഷ്യമാക്കി സൈന്യം നടത്തിയ വ്യോമാക്രമണത്തിൽ 23 പേർ കൊല്ലപ്പെട്ടു. തെക്കുകിഴക്കൻ ഡമാസ്​കസിലെ ഗോട്ട മേഖലയിലാണ്​ ആക്രമണമുണ്ടായത്​. നിരവധി പേർക്ക്​ പരിക്കേറ്റതായും റിപ്പോർട്ടുകളുണ്ട്​.

വിമത മേഖലയിൽ രണ്ടാഴ്​ച മുമ്പാണ്​ സൈന്യം ആക്രമണം തുടങ്ങിയത്​. ആക്രമണങ്ങളിൽ ഇതുവരെ 120ൽ പരം ആളുകൾ കൊല്ലപ്പെട്ടുവെന്നാണ്​ റിപ്പോർട്ട്​. മേഖലയിൽ നിന്ന്​ വിമതരെ ഒഴിപ്പിക്കാതെ പിന്നോട്ടില്ലെന്ന്​ നിലപാടിലാണ്​ സൈന്യം. ഏകദേശം നാലു ലക്ഷത്തിലധികം ജനങ്ങളാണ്​ കിഴക്കൻ ഗോട്ടയിൽ താമസിക്കുന്നത്​.