വെള്ളപ്പൊക്കം: ഫു​ട്​​ബാ​ൾ പരിശീലകനും 12 കുട്ടികളും ഗുഹയിൽ കുടുങ്ങി

ബാ​േങ്കാക്: വെള്ളപ്പൊക്കത്തെതുടർന്ന്​ രണ്ട്​ ദിവസങ്ങൾക്ക്​ മുമ്പ് ഗുഹയിലകപ്പെട്ട്​ കാണാതായ ഫുട്​ബാൾ ടീം പരിശീലകനെയും 12 ആൺകുട്ടികളെയും കണ്ടെത്താനുള്ള രക്ഷാപ്രവർത്തനം വെള്ളവും ചളിയും നിറഞ്ഞതിനെത്തുടർന്ന്​ തടസ്സപ്പെട്ടു. 

എല്ലാരും തന്നെ ജീവനോടെ ഉണ്ടെന്ന്​ അധികൃതർ പ്രത്യാശ പ്രകടിപ്പിച്ചു. 11നും 15നും മധ്യേ പ്രായമുള്ള കുട്ടികൾ ശനിയാഴ്​ച ഉച്ചക്കു ശേഷമാണ്​ കോച്ചിനൊപ്പം ചിയാങ്​ റായ്​ പ്രവിശ്യയിലെ താം ലുവാങ്​ നാങ്​ നോൻ ഗുഹ കാണാനായെത്തിയത്​. 

എന്നാൽ, പരിശീലനത്തിനായി പോയ ത​​​െൻറ മകൻ വീട്ടിലെത്തിയില്ലെന്ന പരാതിയുമായി മാതാവ്​ രംഗത്തെത്തിയതോടെയാണ്​ വിവരം പുറംലോകമറിഞ്ഞത്​. 
ഗുഹക്കുള്ളിൽ സ്​ഥിതിചെയ്യുന്ന വലിയ അറയിൽ അവർ അകപ്പെട്ടിരിക്കാമെന്ന നിഗമനത്തിലാണ്​ അധികൃതർ. 

ഗുഹയുടെ കവാടത്തിൽനിന്ന്​ നാലു കിലോമീറ്റർ അകലെയുള്ള അറ​യിലെത്തിച്ചേരാൻ നേവിയുടെ മുങ്ങൽ വിദഗ്​ധർ ശ്രമിക്കുന്നുണ്ട്​. ഇതിന്​ 6^8കി.മി വരെ നീളം കണക്കാക്കുന്നുണ്ട്​. എന്നാൽ, ഇവിടേക്കുള്ള ഇടനാഴി വ​ളരെ ചെറുതും അവിടെ മണലും ചളിയും അടിഞ്ഞുകൂടി തടസ്സപ്പെടുകയും ചെയ്​തതാണ്​ രക്ഷാപ്രവർത്തനം ദുഷ്​കരമാക്കിയത്​. ഗുഹക്ക്​ പുറത്ത്​ കുട്ടികളുടെ സൈക്കിളുകളും ബാഗുകളും സോക്കർ കിറ്റുകളും ഗുഹയുടെ പ്രവേശന കവാടത്തിനടുത്ത്​ കിടക്കുന്നതായി ടി.വി ദൃശ്യങ്ങളിലൂടെ വ്യക്തമാണ്​. 

തായ്​ലൻഡിലെ പ്രമുഖ വിനോദസഞ്ചാര കേന്ദ്രങ്ങളിലെന്നായ ഗുഹയിൽ മഴക്കാലമായ ജൂൺ^ഒക്​ടോബർ മാസങ്ങളിൽ വെള്ളം പൊങ്ങാറുണ്ട്​. കഴിഞ്ഞ വെള്ളപ്പൊക്കത്തിൽ ഗുഹയിൽ അകപ്പെട്ടിരുന്ന വിനോദസഞ്ചാരികളെ ദിവസങ്ങൾക്ക്​ ശേഷം രക്ഷപ്പെടുത്തിയിരുന്നു.