സുലൈമാനിയുടെ അന്ത്യയാത്രക്കിടെ തിക്കുംതിരക്കും: മരണം 56 ആയി

തെഹ്റാൻ: യു.​എ​സ്​ വ​ധി​ച്ച ഇ​റാ​ൻ ജ​ന​റ​ൽ ഖാ​സിം സു​ലൈ​മാ​നി​യു​ടെ മൃ​ത​ദേ​ഹം വ​ഹി​ച്ചു​ള്ള വി​ലാ​പ​യാ​ത് ര​യി​ലു​ണ്ടാ​യ തി​ക്കി​ലും തി​ര​ക്കി​ലും മരിച്ചവരുടെ എണ്ണം 56 ആയി. 213 പേർ പരിക്കേറ്റ് ചികിത്സയിലാണ്.

തെ ​ക്കു​കി​ഴ​ക്ക​ൻ ഇ​റാ​നി​ൽ സു​ലൈ​മാ​നി​യു​ടെ ജ​ന്മ​സ്​​ഥ​ല​മാ​യ കെ​ർ​മ​നി​ലാ​യി​രു​ന്നു സം​ഭ​വ​മെ​ന്ന്​ ഔ​ദ്യോ​ഗി​ക ടെ​ലി​വി​ഷ​ൻ റി​പ്പോ​ർ​ട്ട്​ ചെ​യ്​​തു. ഇ​റാ​നി​ൽ ഒ​രു വ്യ​ക്തി​ക്ക്​ ഇ​തു​വ​രെ ല​ഭി​ച്ച​തി​ൽ ഏ​റ്റ​വും വി​കാ​രഭ​നി​ർ​ഭ​ര​മാ​യ യാ​ത്ര​യ​യ​പ്പാ​യി​രു​ന്നു തെ​ഹ്​​റാ​നി​ൽ ക​ണ്ട​ത്.

കെ​ർ​മ​നി​ലെ വി​ലാ​പ​യാ​ത്ര​യി​ൽ ക​റു​ത്ത വ​സ്​​ത്ര​ം ധ​രി​ച്ചും സു​ലൈ​മാ​നി​യു​ടെ ചി​ത്രം ഉ​യ​ർ​ത്തി​യു​ം ല​ക്ഷ​ങ്ങ​ളാണ് പ​​ങ്കെ​ടു​ത്ത​ത്. തി​ങ്ക​ളാ​ഴ്​​ച തെ​ഹ്​​റാ​നി​ൽ ന​ട​ന്ന വി​ലാ​പ​യാ​ത്ര​യി​ൽ പ​ത്ത്​ ല​ക്ഷ​ത്തോ​ളം പേ​ർ പ​​ങ്കെ​ടു​ത്തു​വെ​ന്ന്​ അ​സോ​സി​യേ​റ്റ​ഡ്​ പ്ര​സ്​ റി​പ്പോ​ർ​ട്ട്​ ​െച​യ്തിരുന്നു.