ചൈനയിൽ ഭൂകമ്പം, നൂറിലേറെ പേർ മരിച്ചതായി സംശയം

ബീജിങ്​: ചൈനയിലെ സിച്ചുവാൻ പ്രവിശ്യയിലുണ്ടായ ഭൂകമ്പത്തിൽ നൂറിലേറപേർ മരിച്ചതായി റിപ്പോർട്ട്​. റിക്​ടർ സെക്​യിൽ 7തീവ്രത രേഖപ്പെടുത്തിയ ഭൂകമ്പമാണ്​ ഉണ്ടായത്​. ഭൂകമ്പത്തിൽ അറുപതിലേറെ പേർക്ക്​ പരിക്കേറ്റതായി വാർത്ത എജൻസിയായ സിൻഹുവ റിപ്പോർട്ട്​ ചെയ്യുന്നു. ഇതിൽ മുപ്പത്​ ​പേ​രുടെ നില ഗുരുതരമാണ്​.

ചൊവ്വാഴ്​ച പ്രാദേശിക സമയം രാത്രി 9.20ഒാടെയാണ്​ ഭൂകമ്പമുണ്ടായത്​. കാര്യമായ നാശനഷ്​ടങ്ങളുണ്ടെന്നാണു റിപ്പോർട്ട്​. ഗ്വാൻജുയാൻ നഗരത്തിന്​ 200 കിലോ മീറ്ററർ ചുറ്റളവിൽ ഭൂചലനം അനുഭവപ്പെട്ടു. നേരത്തെ റിക്​ടർ സ്​കെയിലിൽ  6.6 രേഖപ്പെടുത്തിയ ഭൂകമ്പവും ഇവിടെ ഉണ്ടായിരുന്നു.