ദലൈലാമയെ​ യു.എസ്​ സർവകലാശാല ക്ഷണിച്ചു; ഇന്ത്യക്കെതി​െ​ര ചൈനീസ്​ ദിനപ്പത്രം

ബീജിങ്ങ്​: ചൈനയു​െട താത്​പര്യങ്ങളിൽ ഇടപെടുന്ന തരത്തിൽ വിദേശ ഇന്ത്യക്കാർ ടിബറ്റൻ നേതാവ്​ ദലൈലാമയെ പ്രോത്​സാഹിപ്പിക്കുന്ന നിലപാടെടുത്താൽ ഇന്ത്യ ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്ന്​ ചൈനീസ്​ ദിനപ്പത്രം ഗ്ലോബൽ ടൈംസ്​.

കാലിഫോർണിയ സാൻഡിയാഗോ യൂണിവേഴ്​സിറ്റി ചാൻസലറും ഇന്ത്യൻ അമേരിക്കനുമായ പ്രദീപ്​ ഖോസ്​ലയുടെ നടപടിയാണ്​​ ചൈനയെ പ്രകോപിപ്പിച്ചിരിക്കുന്നത്​. ജൂൺ മാസത്തിൽ ബിരുദ വിദ്യാർഥികളോട്​ സംവദിക്കുന്നതിനായി ദലൈലാമയെ പ്രദീപ്​ ഖോസ്​ലെ അമേരിക്കൻ സർവകലാശാലയിലേക്ക്​ ക്ഷണിച്ചതാണ്​ ചൈനയെ ചൊടിപ്പിച്ചത്​. യൂണിവേഴ്​സിറ്റിയിലെ ചൈനീസ്​ വിദ്യാർഥികൾക്കിടയിലും രോഷമുണ്ട്​.

‘പരിഹാസ്യമായ ഇൗ ക്ഷണത്തിനു’ പിന്നിൽ സർവകലാശാലയുടെ ചൻസലറായ ഇന്ത്യൻ അമേരിക്കനാണെന്ന്​ ദിനപ്പത്രം പറയുന്നു. കാമ്പസ്​ വെബ്​സൈറ്റിൽ ഖോസ്​ല ദലൈലാമയെ ഇന്ത്യയിലെ ധർമശാലയിൽ വച്ച്​ കഴിഞ്ഞ ഒക്​ടോബറിൽ സന്ദർശിക്കുന്ന ചിത്രം പോസ്​റ്റ്​ ചെയ്​തിരിക്കുന്നു. എങ്ങ​െനയാണ്​ ചില ഇന്ത്യൻവംശജർ ൈചെന–ഇന്ത്യ, ചൈന–യു.എസ്​ ബന്ധത്തിൽ വിള്ളലുണ്ടാക്കാൻ  ശ്രമിക്കുന്നതെന്നാണ്​ ഇത്​ കാണിക്കുന്നുവെന്നും പത്രം വിശദീകരിക്കുന്നു.

ചൈന ഭരിക്കുന്ന കമ്മ്യൂണിസ്​റ്റ്​ പാർട്ടിയെ സംബന്ധിച്ചിടത്തോളം ദലൈലാമ വിഘടന വാദിയാണ്​. ‘ആട്ടിൻ തോലിട്ട ചെന്നായ’യെന്നാണ്​ ചൈനീസ്​ സർക്കാർ ഇദ്ദേഹത്തെ വിശേഷിപ്പിക്കുന്നത്​. ദലൈലാമ വിഘടനവാദത്തെയും ആത്​മാഹുതിയെയും പ്രോത്​സാഹിപ്പിക്കുന്നുവെന്നും ചൈന കുറ്റ​െപ്പടുത്തുന്നു.

ക്ലാസെടുക്കാൻ ദലൈലാമയെ ക്ഷണിക്കുന്നത്​ ചൈനയെ വിഭജിക്കാൻ ശ്രമിക്കുന്നതിന്​ തുല്യമാണെന്നാണ്​ ബീജിങ്ങ്​ ഇൻറർനാഷണൽ സ്​റ്റഡീസ്​ ​യൂണിവേഴ്​സിറ്റിയിലെ സു ലിയാങ്​ വാദിക്കുന്നത്​.

ചൈനീസ്​ പ്രദേശത്തേക്കുള്ള ​കടന്നുകയറ്റം പ്രോത്​സാഹിപ്പിക്കുന്ന നിലപാട്​ ഇന്ത്യക്കാർ സ്വീകരിച്ചാൽ ചൈന നോക്കിയിരിക്കില്ലെന്നും പത്രം പറയുന്നു. ദലൈലാമയുടെ ആശയങ്ങൾ വിദ്യാഥികളിൽ അടിച്ചേൽപ്പിക്കുകയാണ്​ ഖോസ്​ല. വിദ്യാഭ്യാസത്തിനു വേണ്ടി ഒന്നും ചെയ്യാത്തയാളെ ​േപ്രാത്​സാഹിപ്പിക്കുന്നതിനുള്ള പദ്ധതിയുടെ തുടക്കം കുറിക്കാനാണ്​ ഖോസ്​ല ശ്രമിക്കുന്നതെന്നും പത്രം ആരോപിക്കുന്നു.