കോവിഡ് ബാധിതർ 24 ലക്ഷം കടന്നു; യു.എസിൽ മരണം 40,000ത്തിലേറെ
text_fields
ബെയ്ജിങ്: ലോകത്ത് കോവിഡ് ബാധിതരുടെ എണ്ണം 24,07,340 ആയി. 1,65,069 പേരാണ് കോവിഡ് മൂലം മരിച്ചത്. 6,25,128 പേർ രോഗ മുക്ത രായി. നിലവിൽ 16,17,143 പേരാണ് ചികിത്സയിലുള്ളത്.
കോവിഡ് വൈറസ് ബാധ ഭീകരമാം വിധം പിടിച്ചുലച്ച യു.എസിലാണ് വൈറസ് ബാധ ഏറ്റവും കൂടുതൽ. 7,64,265 പേർക്ക് കോവിഡ് സ്ഥിരീകരിക്കപ്പെട്ടതിൽ 71,012 പേർ രോഗമുക്തരായപ്പോൾ 40,565 പേർ മരണത്തിന് കീഴടങ്ങി. 6,52,688 പേരാണ് നിലവിൽ യു.എസിൽ ചികിത്സയിലുള്ളത്.
സ്പെയിനിൽ രോഗബാധിതരുടെ എണ്ണം രണ്ട് ലക്ഷത്തോടടുക്കുകയാണ്. 198,674 പേർക്കാണ് ഇവിടെ വൈറസ് ബാധ റിപ്പോർട്ട് ചെയ്തത്. 20,453 പേർ മരിച്ചു. 100,864 ആളുകളാണ് നിലവിൽ കോവിഡ് ബാധിതരായുള്ളത്.
ഇന്ത്യയിൽ കോവിഡ് ബാധിതരുടെ എണ്ണം 17,615 ആയി ഉയർന്നു. രാജ്യത്ത് 14,202 പേരാണ് ചികിത്സയിലുള്ളത്. 2,854 പേർ രോഗമുക്തരായപ്പോൾ 559 പേർ മരണത്തിന് കീഴടങ്ങി.
