ഇന്ത്യയെ പിന്തുണക്കുന്ന രാജ്യങ്ങൾക്കെതിരെ മിസൈല്‍ ആക്രമണം നടത്തും -പാക്​ മന്ത്രി

11:13 AM
30/10/2019

ഇസ്‍ലാമാബാദ്: കശ്മീർ വിഷയത്തിൽ ഇന്ത്യയെ പിന്തുണക്കുന്ന രാജ്യങ്ങൾക്കെതിരെ മിസൈൽ ആക്രമണം നടത്തുമെന്ന പാക്​ മന്ത്രിയുടെ പ്രസ്​താവന വിവാദത്തിൽ. കശ്​മീർ/ഗിൽജിത്​ ബാൾടിസ്​താൻ കാര്യ വകുപ്പ്​ ചുമതലയുള്ള മന്ത്രി അലി അമിൻ ഗന്ധാപുരാണ്​ വിവാദ പ്രസ്​താവന നടത്തിയത്​.

കശ്മീർ വിഷയത്തിൽ ഇന്ത്യയുമായി പ്രശ്​നങ്ങൾ തുടരുകയാണെങ്കിൽ പാകിസ്​താൻ യുദ്ധത്തിനു നിർബന്ധിതരാകും. വിഷയത്തിൽ ഇന്ത്യയെ പിന്തുണക്കുന്ന രാഷ്​ട്രങ്ങളെ പാകിസ്​താ​​​െൻറ ശത്രുവായി കണക്കാക്കി മിസൈൽ ആക്രമണം നടത്തുമെന്നും അലി അമിൻ പറഞ്ഞു. 

അയൽരാജ്യത്തിനെതിരെ മന്ത്രി പ്രകോപനപരമായ പ്രസ്താവനകൾ നടത്തുന്ന വി‍ഡിയോ ദൃശ്യങ്ങൾ പാക്​ മാധ്യമപ്രവർ‌ത്തക നൈല ഇനായത്ത് ട്വിറ്ററിൽ പങ്കു വച്ചിട്ടുണ്ട്. 

ആർട്ടിക്കിൾ 370 റദ്ദാക്കി കശ്മീരി​​​െൻറ പ്രത്യേക പദവി എടുത്തു കളഞ്ഞതിനു പിന്നാലെ ഇന്ത്യ– പാക്​ ബന്ധം കൂടുതൽ വഷളായിരുന്നു. കശ്മീർ പ്രശ്നം ആഭ്യന്തര കാര്യമാണെന്നായിരുന്നു ഇന്ത്യയുടെ നിലപാട്. കശ്​മീർ വിഷയത്തിൽ സാർക്, അറബ് രാഷ്ട്രങ്ങൾ ഇന്ത്യയെ പിന്തുണക്കുകയും ചെയ്​തു. യു.എൻ പൊതുസമ്മേളനത്തിൽ ഉൾപ്പെടെ കശ്​മീർ വിഷയം ഉയർത്തിയെങ്കിലും ഇന്ത്യക്ക്​ അനുകൂലമായ നിലപാടാണ്​ ഉണ്ടായത്​. 

Loading...
COMMENTS