സാ​ർ​സി​നെ​യും ക​ട​ത്തി​വെ​ട്ടി കൊ​റോ​ണ

ബെയ്​ജിങ്​: 2003ൽ രണ്ടു ഡസനിലധികം രാജ്യങ്ങളിൽ പടർന്ന ‘സാർസി’നെയും കടത്തിവെട്ടി കൊറോണ ​ൈവറസ്​ ബാധ. അന്ന്​ ലോക മെമ്പാടും 8,100 സാർസ്​ കേസുകളാണ്​​ റിപ്പോർട്ട്​ ചെയ്​തതെങ്കിൽ കൊറോണയുടെ സംഖ്യ 10,000ത്തോളമെത്തി. എന്നാൽ, മരണ സം ഖ്യയിൽ ആശ്വസിക്കാം. കൊറോണ ഇതുവരെ 213 പേരുടെ ജീവനാണ്​ എടുത്തത്​; എല്ലാവരും ചൈനക്കാർ.

സാർസ്​ മൂലം ജീവൻ നഷ്​ട മായത്​ 774 പേർക്കാണ്​. കഴിഞ്ഞദിവസം കൊറോണ ബാധയിൽ ആഗോള ആരോഗ്യ അടിയന്തരാവസ്​ഥ പ്രഖ്യാപിച്ച ലോകാരോഗ്യ സംഘടന, ചൈനക്ക്​ പുറത്ത്​ അസുഖ ബാധിതരായ 98 കേസുകൾ ഉണ്ടെന്ന്​ വ്യക്തമാക്കിയിരുന്നു. വെള്ളിയാഴ്​ച യു.കെയിൽ രണ്ട്​ കൊറോണബാധ റിപ്പോർട്ട്​ ചെയ്​തു.

വൈറസ്​ബാധയേറ്റവരിൽ അധികവും ചൈനയുടെ ഹു​െബ പ്രവിശ്യയിലെ വൂഹാൻ നഗരത്തിൽ പോയവരാണ്​. അതിനിടെ, ലോകത്തി​​െൻറ ആരോഗ്യ ആശങ്കകൾ മുതലെടുക്കാൻ സൈബർ ക്രിമിനലുകളും സജീവമായതായാണ്​ റിപ്പോർട്ട്​. കൊറോണ ​ൈവറസിനെ കുറിച്ചുള്ള വിവരങ്ങൾ എന്ന്​ തോന്നിക്കുന്ന വിവരങ്ങൾ കമ്പ്യൂട്ടറിലും മൊബൈലിലും എത്തു​േമ്പാൾ വീണ്ടുവിചാരമില്ലാതെ അത്​ തുറക്കുന്നത്​ അപകടമാകും. ഇതിൽ പലതും മാരക ​ൈവറസുകളാകാം. ഇ​ത്തരത്തിലുള്ള ഫയലുകൾ ശ്രദ്ധയിൽപെട്ടതായി റിപ്പോർട്ടുകളുണ്ട്​.

യാത്ര വിലക്ക്​, ഒഴിപ്പിക്കൽ

• സിംഗപ്പൂർ ചൈനയിൽനിന്നുള്ള യാത്രക്കാരെ പൂർണമായും വിലക്കി
• റോമിലെത്തിയ രണ്ട്​ ചൈനീസ്​ ടൂറിസ്​റ്റുകൾക്ക്​ വൈറസ്​ ബാധയുണ്ടെന്ന്​ കണ്ടെത്തിയതിനെ തുടർന്ന്​ ഇറ്റലി ആറുമാസത്തെ ആരോഗ്യ അടിയന്തരാവസ്​ഥ പ്രഖ്യാപിച്ചു.
• തായ്​ലൻഡ്​​ മനുഷ്യനിൽനിന്ന്​ മനുഷ്യനിലേക്ക്​ പടർന്ന ആദ്യ വൈറസ്​ ബാധ സ്​ഥിരീകരിച്ചു
• മംഗോളിയ മാർച്ച്​ രണ്ടുവരെ ചൈനയിൽനിന്നുള്ള യാത്രക്കാരെ വിലക്കി. സ്വന്തം പൗരന്മാർ ചൈനയിലേക്ക്​ പോകുന്നതിനും വിലക്കുണ്ട്​.
• യു.എസിലെ ഷികാഗോയിലും മനുഷ്യനിൽനിന്ന്​ മനുഷ്യനിലേക്ക്​ ​ൈവറസ്​ പടർന്നതായി സ്​ഥിരീകരിച്ചു.
• വൂഹാനിൽനിന്ന്​ വിദേശ രാജ്യങ്ങളുടെ ഒഴിപ്പിക്കൽ തുടരുന്നു.
• ചൈനയുമായുള്ള എല്ലാ വ്യോമ ബന്ധവും ഇസ്രായേൽ വിച്ഛേദിച്ചു.
• ഉത്തര കൊറിയ ചൈനയിലേക്കുള്ള എല്ലാ ട്രെയിനുകളും വിമാനങ്ങളും റദ്ദാക്കി.