ചൈനീസ്​ മാളിലെ ട്രംപ്​ഡോഗ്​  ഹിറ്റാവുന്നു

ബെയ്​ജിങ്​: വടക്കൻ ചൈനയിലെ  ഷാൻസി പ്രവിശ്യയിലെ തായ്​യുവാനിലെ ഷോപ്പിങ്​ മാളിന്​ മുന്നിലെ രൂപം ​സമൂഹ മാധ്യമങ്ങളിൽ ഹിറ്റായി. തായ്​യുവാനിലെ ഫെസ്​റ്റിവൽ വാക്​ മാളിന്​ മുന്നിൽ സ്​ഥാപിച്ച യു.എസ്​ പ്രസിഡൻറ്​ ഡോണൾഡ്​ ട്രംപി​​​െൻറ സാദൃശ്യമുള്ള നായയുടെ രൂപമാണ്​ ട്രംപ്​ഡോഗ്​ എന്ന ഹാഷ്​ടാഗിൽ തരംഗമായിരിക്കുന്നത്​.

ചൂണ്ടുവിരൽ മുകളിലേക്കുയർത്തി നിൽക്കുന്ന നായയുടെ മുടി ട്രംപിന്​ ഏറെ ഇഷ്​ടപ്പെട്ടതെന്ന്​ കരുതുന്ന സ്വർണനിറത്തിലാണ്​. കഴുത്തിൽ ചുവന്ന തൂവാലയും അണിഞ്ഞിട്ടുണ്ട്​. ചൈനയിലെ ചാന്ദ്രവർഷ കലണ്ടർ പ്രകാരം 2018 ഫെബ്രുവരി 16നാണ്​ പുതുവർഷം. ഇതോടനുബന്ധിച്ചാണ്​ ഷോപ്പിങ്​ മാളിന്​ മുന്നിൽ നായയുടെ പ്രതിമ സ്​ഥാപിച്ചത്​.