ഞാനിവിടെ തന്നെയുണ്ട്​; പ്രചാരണങ്ങൾ നിഷേധിച്ച്​ ചൈനയിലെ  ‘വവ്വാൽ വനിത’

ബീജിങ്​: മാസങ്ങളായി തുടരുന്ന ദുരൂഹത അവസാനിപ്പിച്ച്​ ചൈനയിലെ ‘വവ്വാൽ വനിത (ബാറ്റ്​ വുമൺ)’ സാമൂഹിക മാധ്യമത്തിൽ പോസ്​റ്റുമായി രംഗത്ത്​. ‘പ്രിയ സുഹൃത്തുക്കളെ, ഞാനും കുടുംബവും സുഖമായിരിക്കുന്നു’ - ബാറ്റ്​ വുമൺ എന്നറിയപ്പെടുന്ന ഷീ ഷെങ്ലി ചൈനീസ്​ സാമൂഹിക മാധ്യമമായ വീചാറ്റിൽ പോസ്​റ്റ്​ ചെയ്​തു. വവ്വാലുകളിൽ നടത്തിയ ഗവേഷണങ്ങളാണ്​ ‘ബാറ്റ്​ വുമൺ’ എന്ന വിളിപ്പേര്​ ഷിക്ക്​ നേടിക്കൊടുത്തത്​. അവരുടെ അസാന്നിധ്യം കോവിഡ്​ പശ്​ചാത്തലത്തിൽ നിരവധി കിംവദന്തികൾക്ക്​ കാരണമായിരുന്നു. 

കോവിഡ്​ വൈറസി​​​െൻറ പ്രഭവ കേന്ദ്രവുമായി ബന്ധപ്പെട്ട്​ അമേരിക്കയടക്കമുള്ള രാജ്യങ്ങൾ ചൈനക്കെതിരെ ആരോപണം ഉന്നയിക്കു​േമ്പാൾ എടുത്തുകാണിക്കുന്നതായിരുന്നു ഷീ ഷെങ്ലിയുടെ അസാന്നിധ്യം. വുഹാൻ വൈറോളജി ഇൻസ്​റ്റിറ്റ്യൂട്ടിലെ ഗവേഷകയായ ഷീ ഷെങ്ലിയെ കഴിഞ്ഞ ഡിസംബർ മുതൽ കാണാനില്ലെന്നായിരുന്നു ആരോപണം​. ഇവർ ചോർത്തി കൊടുത്ത വിവരങ്ങളാണ്​ അമേരിക്കയും മറ്റു രാജ്യങ്ങളും ചൈനക്കെതിരെ ഉന്നയിക്കുന്നത്​ എന്നായിരുന്നു പ്രധാന ആരോപണം. ‘അത്​ (കൂറുമാറൽ) ഒരിക്കലും സംഭവിക്കില്ല, നമ്മൾ തെറ്റായി ഒന്നും ചെയ്​തിട്ടില്ല. മേഘങ്ങൾ മറയുകയും സൂര്യൻ തിളങ്ങുകയും ചെയ്യുന്ന ദിവസമുണ്ടാകും’ - ഷീ കുറിച്ചു.

ഷി ചൈനീസ്​ സർക്കാറി​​​െൻറ തടവിലാണെന്നും അതല്ല, അവർ അമേരിക്കൻ പക്ഷത്തേക്ക്​ കൂറുമാറിയെന്നുമെല്ലാമുള്ള പ്രചരണങ്ങൾ സജീവമാണ്​. വൈറസ്​ ഉൽഭവിച്ചത്​ വുഹാൻ വൈറോളജി ഇൻസ്​റ്റിറ്റ്യൂട്ടിൽ നിന്നാണെന്ന വാദം അമേരിക്കയടക്കമുള്ള രാജ്യങ്ങൾ കാര്യമായി ഉയർത്തുന്നുമുണ്ട്​. ഇതിനിടയിലാണ്​ ഷീ ഷെങ്ലിയുടെ വിചാറ്റ്​ പോസ്​റ്റ്​ ചൈനീസ്​ സർക്കാറിന്​ കീഴിലുള്ള മാധ്യമം റിപ്പോർട്ട്​ ചെയ്യുന്നത്​. 

ഡിസംബറിന്​ ശേഷം ഷീ ഷെങ്ലിയെ ആരും കണ്ടിട്ടില്ല എന്ന രൂപത്തിലാണ്​ പ്രചരണം ശക്​തമായുള്ളത്​. അതേസമയം ഫെബ്രുവരിയിൽ ഇവരുടെ മറ്റൊരു വിചാറ്റ്​ പോസ്​റ്റ്​ പുറത്ത്​ വന്നിരുന്നു എന്ന് ഗ്ലോബൽ ടൈംസ്​ റിപ്പോർട്ട്​ ചെയ്യുന്നു. ശുചിത്വമില്ലായ്​മയുടെ ശിക്ഷയാണ്​ കൊറോണ​ എന്നായിരുന്നു അന്നത്തെ അവരുടെ പോസ്​റ്റ്​. വൈറോളജി ഇൻസ്​റ്റിറ്റ്യൂട്ടിന്​ വൈറസി​​​െൻറ ഉൽഭവത്തിൽ പങ്കില്ല എന്നും അവർ അന്ന്​ സൂചിപ്പിച്ചിരുന്നു.