ഇൻറർപോൾ മേധാവിയെ അറസ്​റ്റ്​ ചെയ്​തതെന്ന്​ ചൈന

ബെയ്​ജിങ്​: ചൈനീസ്​ സന്ദർശനത്തിനിടെ കാണാതായ ഇൻറർപോൾ മേധാവി മെങ്​ ഹോങ്​വെയ്​ തങ്ങളുടെ കസ്​റ്റഡിയിലുണ്ടെന്ന്​ ചൈന. ഇൻറർപോൾ ആസ്​ഥാനം സ്​ഥിതിചെയ്യുന്ന ഫ്രഞ്ച്​ നഗരമായ ലിയോണിൽ നിന്ന്​ സെപ്​റ്റംബർ 25ന്​ ചൈനയിലേക്ക്​ പറന്ന ഹോങ്​വെയിയെ കുറിച്ച്​ വിവരങ്ങൾ ലഭ്യമല്ലാതായതിനു പിന്നാലെ ചൈന അറസ്​റ്റ്​ ചെയ്​തതായി സൂചനകളുണ്ടായിരുന്നു.

ദിവസങ്ങളോളം മൗനം പാലിച്ച ചൈന ഒടുവിൽ അറസ്​റ്റ്​ ചെയ്​തെന്നും നിയമലംഘനങ്ങളുടെ പേരിൽ ചോദ്യംചെയ്​തുവരികയാണെന്നും ഞായറാഴ്​ചയാണ്​ സ്​ഥിരീകരിച്ചത്. തൊട്ടുപിറകെ ഹോങ്​വെയ്​ രാജിക്കത്ത്​ അയച്ചതായി ഇൻറർപോൾ അറിയിച്ചു. രാജി സ്വീകരിച്ചിട്ടുണ്ട്​. നിരവധി കേസുകളിൽ അന്വേഷണം നേരിടുന്നുവെന്ന്​ വ്യ്​കതമാക്കിയ ചൈന ​പക്ഷേ, അദ്ദേഹത്തിനെതിരായ ആരോപണങ്ങൾ പുറത്തുവിട്ടിട്ടില്ല.