വിമാനാപകടം: ബോയിങ്​ 737 മാക്​സ്​ വിമാന സർവീസുകൾ ചൈന ​നിർത്തി

ബെയ്​ജിങ്​: ചൈനീസ്​ എയർലൈൻസ്​ ഉപയോഗിക്കുന്ന ബോയിങ്​ സി.ഒ 737 മാക്​സ്​ വിമാനങ്ങളുടെ സർവീസുകൾ ചൈന താത്​ക്കാലി കമായി​ നിർത്തിവെച്ചു. ഇത്യോപ്യൻ എയർലൈൻസി​​െൻറ ബോയിങ്​ 737 മാക്​സ്​ 8 വിമാനം ഞായറാഴ്​ച തകർന്ന്​ വീണ്​ 157 പേരുടെ മരണത്തിനിടയായ സാഹചര്യത്തിലാണ്​ ചൈനയുടെ നടപടി.

നെയ്​റോബിയിൽ നിന്ന്​ പറന്നുയർന്ന ഉടനെ വിമാനം തകർന്ന്​ വീഴുകയായിരുന്നു. 2017ലാണ്​ ബോയിങ്ങി​​െൻറ പുതിയ വകഭേദമായ 737 മാക്​സ് സേവനമാരംഭിച്ചത്​. 737 മാക്​സി​​െൻറ വിമാനം രണ്ടാം തവണയാണ്​ ഇത്തരത്തിൽ തകരുന്നത്​. ഒക്​ടോബറിൽ ഇന്തോനേഷ്യയുടെ ലയൺ എയർ ഉപയോഗിച്ച 737 മാക്​സ്​ വിമാനം പറന്നുയർന്ന്​ 13 മിനിട്ടുകൾക്കുള്ളിൽ തകർന്ന്​ വീണ്​ 189 യാത്രക്കാർ ​മരിച്ചിരുന്നു.

ബോയിങ്ങിനെയും യു.എസ്​ ഫെഡറൽ ഏവിയേഷനേയും ബന്ധപ്പെട്ട്​ വിമാനത്തി​​െൻറ സുരക്ഷിതത്വം ഉറപ്പ്​ വരുത്തിയ ശേഷം മാത്രമേ 737 മാക്​സി​​െൻറ സേവനം പുനഃരാരംഭിക്കുകയുള്ളൂവെന്ന്​ ചൈനയുടെ സിവിൽ ഏവിയേഷൻ അഡ്​മിനിസ്​ട്രേഷൻ പ്രസ്​താവനയിൽ വ്യക്തമാക്കി. 96 ബോയിങ്​ 737 മാക്​സ്​ ജറ്റുകളാണ്​ ചൈനീസ്​ എയർലൈൻസിനുള്ളത്​.