കോവിഡ്​ ‘തുറന്നുവിട്ട’ വൂഹാൻ സ്വതന്ത്രം

ബെയ്​ജിങ്​: രണ്ടുമാസത്തിലേറെ നിശ്ചലമായിരുന്ന വൂഹാൻ തുറന്നു. കോവിഡ്​19​​െൻറ പ്രഭവകേന്ദ്രമായ വൂഹാനിലെ 76 ദിവസത ്തെ ലോക്​ഡൗൺ ആണ്​ നീക്കിയത്​. വിലക്ക്​ നീക്കിതോടെ ആയിരങ്ങളാണ്​ നഗരത്തിനു പുറത്തു പോകാൻ എത്തിയത്​. നീണ്ട കാ ലത്തിനു ശേഷം റോഡുകളിൽ വാഹനങ്ങളുടെ വലിയ നിര പ്രത്യക്ഷപ്പെട്ടു. റെയിൽവേസ്​റ്റേഷനുകളും വിമാനത്താവളങ്ങളും ആളുകളെ കൊണ്ട്​ നിറഞ്ഞു.

50,000 പേരാണ്​ വൂഹാനിൽ നിന്ന്​ മറ്റിടങ്ങളിലേക്ക്​ പോകാനെത്തിയത്​. സർക്കാറി​​െൻറ മൊബൈൽ ആപ്​ വഴി അനുമതി നേടിയിരിക്കണം. റോഡ്​, ട്രെയിൻ, വ്യോമ ഗതാഗത നിയന്ത്രണങ്ങൾ എടുത്തുകളഞ്ഞിട്ടുണ്ടെങ്കിലും ഹെൽത്ത്​ സർട്ടിഫിക്കറ്റുമായി എത്തുന്നവർക്ക്​ മാത്രമേ നഗരം വിട്ട്​ പുറത്തുപോകാൻ സാധിക്കൂ. പ്രാദേശികാതിർത്തികൾ തുറന്നെങ്കിലും ചില നിയന്ത്രണങ്ങൾ നിലനിൽക്കും.

കോവിഡ്​ ഭീഷണി കുറഞ്ഞെങ്കിലും മറ്റ്​ രോഗങ്ങൾക്കുള്ള സാധ്യത നിലനിൽക്കുന്നതായി ആരോഗ്യവിദഗ്​ധർ മുന്നറിയിപ്പ്​ നൽകിയതിനെ തുടർന്നാണിത്​. ​ട്രെയിൻ, വിമാന സർവിസുകൾ പുനരാരംഭിച്ചതോടെ വൂഹാനിലെ ഗതാഗതം സാധാരണ നിലയിലാകും. ലോക്​ഡൗൺ അവസാനിക്കുന്നതോടെ നഗരത്തിലെ സാമ്പത്തിക-സാമൂഹിക പ്രവർത്തനങ്ങൾ പൂർണമായും ആരംഭിക്കുമെന്ന്​ പകർച്ചവ്യാധി നിയന്ത്രണ വകുപ്പ്​ ഉദ്യോഗസ്​ഥനായ ലുവോ പിങ്​ പറഞ്ഞു. ഡിസംബറിലാണ്​ വൂഹാനിൽ വൈറസ്​ ബാധ കണ്ടെത്തിയത്​. കോവിഡിനെതിരായ പോരാട്ടത്തിലെ നാഴികക്കല്ലായാണ്​ വൂഹാൻ ജനത ലോക്​ഡൗണിനെ വിലയിരുത്തുന്നത്​.

വൈറസിനെ നിയന്ത്രിച്ചുനിർത്തിയതിൽ വൂഹാൻ ലോകത്തിനു നൽകിയ സന്ദേശം ചെറുതല്ല. 1.2 കോടി ജനങ്ങളാണ്​ സാധാരണജീവിതം തിരിച്ചുപിടിച്ചത്​. ബുധനാഴ്​ച മുതൽ അവർക്ക്​ വൂഹാനിൽ നിന്ന്​ സ്വതന്ത്രമായി പുറത്തുപോകാം. ഇവിടെ കോവിഡ്​ ബാധിച്ച്​ 515ഓളം രോഗികൾ ആശുപത്രിയിൽ ചികിത്സയിൽ കഴിയുന്നുണ്ട്​.