കൊറോണ: ചൈനയിൽ വെള്ളിയാഴ്​ച മരിച്ചത്​ 86 പേർ; ആകെ മരണം 722

ബെയ്​ജിങ്​: കൊറോണ വൈറസ്​ബാധ മൂലമുള്ള മരണങ്ങൾ ചൈനയിൽ തുടരുന്നു. വെള്ളിയാഴ്​ച മാത്രം 86 പേരാണ്​ വൈറസ്​ബാധ മൂല ം മരിച്ചത്​. ഇതോടെ ചൈനയിലെ ആകെ മരണം 722 ആയി. 34,546 പേർക്ക്​ ഇതുവരെ രോഗം സ്ഥിരീകരിച്ചിട്ടുണ്ട്​.

ചൈനക്ക്​ പുറത്ത ്​ രണ്ട്​ പേരും കൊറോണ മൂലം മരിച്ചിട്ടുണ്ട്​. ഹോങ്​കോങ്​, ഫിലിപ്പീൻസ്​ എന്നിവിടങ്ങളിലാണ്​ മരണങ്ങൾ റിപ്പോർട്ട്​ ചെയ്​തത്​. 25 രാജ്യങ്ങളിൽ ഇതുവരെ കൊറോണ റിപ്പോർട്ട്​ ചെയ്​തിട്ടുണ്ട്​.വൈറസ്​ബാധ അതിരൂക്ഷമായതോടെ വിവിധ രാജ്യങ്ങൾ ചൈനയിലേക്കുള്ള വിമാന സർവീസുകൾ നിർത്തിവെച്ചു. അമേരിക്കയുൾപ്പടെയുള്ള രാജ്യങ്ങൾ പൗരൻമാരെ നാട്ടിലെത്തിക്കാൻ പ്രത്യേക വിമാനങ്ങൾ അയക്കുന്നുണ്ട്​.

അതേസമയം, കൊറോണ വൈറസ് ബാധ പടരുന്ന ചൈനയിൽ കുടുങ്ങിയ 15 മലയാളി വിദ്യാർഥികൾ നാട്ടിൽ തിരിച്ചെത്തി. വെള്ളിയാഴ്ച രാത്രി എയർ ഏഷ്യ വിമാനത്തിൽ ബാങ്കോക്ക് വഴിയാണ് ഇവർ കൊച്ചിയിലെത്തിയത്. പുറത്തിറങ്ങിയ ഉടൻ ഇവരെ കളമശ്ശേരി മെഡിക്കൽ കോളജ്​ ആശുപത്രിയിലേക്ക് മാറ്റി.

LATEST VIDEO: