ബ്രഹ്​മപുത്രയിലെ വെള്ളം വഴിതിരിച്ചു വിടാൻ ചൈന 1000 കിലോമീറ്റർ ടണൽ നിർമിക്കാനൊരുങ്ങുന്നു

ബീജിങ്ങ്​: ഇന്ത്യൻ അതിർത്തിക്ക്​ സമീപം ഒഴുകുന്ന യാർലങ്​ സാങ്​പോ (ബ്രഹ്​മപുത്ര) നദിയിലെ  വെള്ളം വഴിതിരിച്ചുവിടാൻ ചൈനയുടെ നീക്കം. 1000 കിലോമീറ്റർ ടണൽ നിർമിച്ച്​ വഴിതിരിച്ച്​ വിടാനാണ്​​ നീക്കം നടക്കുന്നത്. സിൻജിയാങ്ങിലെ തക്ലിമാകൻ മരുഭൂമിയിലേക്ക്​ തിബത്തിൽ നിന്ന്​ വെള്ളമെത്തിക്കാനുള്ള പദ്ധതിയാണിത്. ​ചൈനയുടെ ഉണങ്ങി വരണ്ട സിൻജിയാങ്​ മേഖലയിലേക്ക് വെള്ളമെത്തിക്കുന്നതിനാണ് ലോകത്തെ ഏറ്റവും വലിയ ടണൽ നിർമിക്കാൻ ചൈന തയാറെടുക്കന്നതെന്നാണ്​ റിപ്പോർട്ടുകൾ. ​

ഇന്ത്യയി​െല അരുണാചൽ ​പ്രദേശിലൂടെ സിയാങ്​ എന്ന പേരിൽ ഒഴുകുന്ന നദിയാണ് സാങ്​പോ. സിയാങ്​ അസമിലെത്തു​േമ്പാൾ ബ്രഹ്​മപുത്ര എന്നറിയപ്പെടുന്നു. ഇന്ത്യയുടെ വടക്കുകിഴക്കൻ സംസ്​ഥാനങ്ങളിൽ ജലക്ഷാമം പരിഹരിക്കുന്നത്​ ബ്രഹ്​മപുത്രിയിലെ വെള്ളമാണ്​. 

തുരങ്കം നിർമിക്കാനുള്ള പദ്ധതി മാർച്ചിൽ ചൈനീസ്​ സർക്കാറിനു മുമ്പാകെ സമർപ്പിച്ചിട്ടുണ്ട്​. പദ്ധതി ആദ്യഘട്ടത്തിലാണെങ്കിലും നടപ്പിലാകുകയാണെങ്കിൽ ഇന്ത്യയില വൻ വരൾച്ചക്കിട വരുത്തുന്ന പദ്ധതിയാണിത്​. 

1000 കിലോമീറ്റർ തുരങ്കം നിർമിക്കുന്നതിനുള്ള  സാ​േങ്കതിക വിദ്യകൾ ചൈനീസ്​ എഞ്ചിനീയർമാർ പരീക്ഷിച്ചു നോക്കുന്നുണ്ടെന്ന്​ പദ്ധതിയിൽ ഉൾപ്പെട്ട വിദഗ്​ധരെ ഉദ്ധരിച്ച്​ ഹോങ്​കോങ്ങിൽ നിന്നുള്ള ചൈന മോർണിങ്​ പോസ്​റ്റ്​ റിപ്പോർട്ട്​ ചെയ്യുന്നു. 

ഇന്ത്യൻ അതിർത്തിക്ക്​ സമീപം​ തിബത്ത്​ സ്വയംഭരണ പ്രദേശത്തെ സാങ്​പോ നദി വറ്റിച്ച്​ ആ വെള്ളം തുരങ്കം വഴി തിബത്തൻ പീഠഭൂമിയിലെ മഴ നിഴൽ പ്രദേശമായ ഉയ്​ഖർ മേഖലയിലേക്ക്​ വഴിതിരിച്ച്​ വിടുക എന്നതാണ്​ ശാസ്​ത്രജ്​ഞരുടെ നിർദേശം.

അതേ സമയം ടണൽ നിർമ്മാണം സംബന്ധിച്ച വാർത്തകൾ  ചൈന നിഷേധിച്ചു. വാർത്തകൾ മാധ്യമങ്ങൾ തെറ്റായി വളച്ചൊടിക്കുകയാണെന്നും ചൈന പറഞ്ഞു.