സന്നദ്ധ സേവനം: ചൈനീസ്​ സൈന്യം ഹോ​ങ്കോങ്ങിൽ

ബെയ്​ജിങ്​: ഹോ​ങ്കോങ്ങിലെ ജനാധിപത്യ പ്രക്ഷോഭം തുടരവെ, സന്നദ്ധസേവനത്തിനായി ചൈന സൈന്യത്തെ വിന്യസിച്ചു. കുറ് റവാളികളെ നാടുകടത്തുന്ന ബില്ല്​ പിൻവലിക്കണമെന്നാവശ്യപ്പെട്ട്​ അഞ്ചുമാസമായി തുടരുന്ന ജനാധിപത്യപ്രക്ഷോഭത്തിനിടെ ആദ്യമായാണ്​ ചൈനീസ്​ സൈന്യം ഹോ​ങ്കോങ്ങലെത്തുന്നത്​.

പീപ്​​ൾസ്​ ലിബറേഷൻ ആർമിയുടെ പ്രാദേശിക വിഭാഗത്തെയാണ്​ കാവൽ സൈന്യമായി വിന്യസിച്ചതെന്ന്​ സൗത്ത്​ ചൈന മോണിങ്​ പോസ്​റ്റ്​ റിപ്പോർട്ട്​ ചെയ്​തു. ഒരു വർഷത്തിനിടെ ആദ്യമായാണ്​ കാവൽ സൈന്യത്തെ ഇത്തരത്തിൽ പൊതുസേവനത്തിനായി ചൈന അയക്കുന്നത്​.

പച്ച ടീഷർട്ടും കറുത്ത ഷോട്​സും ധരിച്ച്​ ബക്കറ്റും കൈയിലേന്തി ബാരിക്കേഡുകളും മറ്റും നീക്കി റോഡ്​ വൃത്തിയാക്കുകയായിരുന്നു ആദ്യദിനം. അഗ്​നിശമന ജീവനക്കാരും പൊലീസ്​ ഉദ്യോഗസ്​ഥരും സംഘത്തിനൊപ്പമുണ്ട്​.