അഫ്​ഗാനിസ്​താനിൽ സ്​ഫോടനം: രണ്ട്​ പേർ കൊല്ലപ്പെട്ടു

14:25 PM
18/05/2019
blast
Representational image

ഹെറാത്ത്​: അഫ്​ഗാനിസ്​താനിലെ ഹെറാത്തിൽ പാതയോരത്തുണ്ടായ സ്​ഫോടനത്തിൽ ഒരു കുട്ടി ഉൾപ്പെടെ രണ്ട്​ പേർ കൊല്ലപ്പെട്ടു. 14 പേർക്ക്​ പരിക്കേറ്റിട്ടുണ്ട്​. ശനിയാഴ്​ച രാവിലെയാണ്​ സംഭവം. 

ഹെറാത്ത്​ പ്രവിശ്യയിലെ ഒബോ ജില്ലയിലാണ്​ സ്​ഫോടനമുണ്ടായത്​. സ്​ഫോടനത്തിൻെറ സ്വഭാവം സംബന്ധിച്ച്​ കൂടുതൽ വിവരങ്ങൾ ലഭ്യമല്ല. ഇതുവരെ സംഘടനകളൊന്നും തന്നെ സ്​ഫോടനത്തിൻെറ ഉത്തരവാദിത്തം ഏറ്റെടുത്ത്​ രംഗത്തെത്തിയിട്ടില്ല. യു.എന്നിൻെറ കണക്കനുസരിച്ച്​ അഫ്​ഗാനിസ്​താനിൽ ഇൗ വർഷം സംഘർഷത്തിലും അനുബന്ധ സംഭവങ്ങളിലുമായി 1700 പൗരൻമാർ കൊല്ലപ്പെടുകയും 3430 പേർക്ക്​ പരിക്കേൽക്കുകയും ചെയ്​തിരുന്നു. 

അതേസമയം മറ്റൊരു സംഭവത്തിൽ, ഹെറാത്ത്​ പ്രവിശ്യയിൽ തട്ടിക്കൊണ്ടുപോയ അഞ്ച്​ ഡോക്​ടർമാരെ അഫ്​ഗാൻ സുരക്ഷാസേന​ രക്ഷപ്പെടുത്തി. സുരക്ഷാസേനയുമായുണ്ടായ ഏറ്റുമുട്ടലിൽ തട്ടിക്കൊണ്ടു പോയവരിൽ ഒരാൾ ​െകാല്ലപ്പെടുകയും മറ്റൊരാൾക്ക്​ പരി​േക്കൽക്കുകയും ചെയ്​തതായി പൊലീസ്​ അറിയിച്ചു.

Loading...
COMMENTS