ജ​പ്പാ​നി​ൽ​നി​ന്ന്​ മു​ങ്ങി​യ നി​സാ​ൻ ക​മ്പ​നി മു​ൻ മേ​ധാ​വി ല​ബ​നാ​നി​ൽ

ടോ​ക്യോ: ലോ​കോ​ത്ത​ര വാ​ഹ​ന നി​ർ​മാ​താ​ക്ക​ളാ​യ ജ​പ്പാ​നി​ലെ നി​സാ​ൻ-​റെ​നോ ക​മ്പ​നി​യു​ടെ മു​ൻ മേ​ധാ​വി കാ​ർ​ലോ​സ്​ ഗോ​സ​ൻ ല​ബ​നാ​നി​ലേ​ക്ക്​ ര​ക്ഷ​പ്പെ​ട്ടു. സാ​മ്പ​ത്തി​ക ക്ര​മ​ക്കേ​ടു​ക​ളു​മാ​യി ബ​ന്ധ​പ്പെ​ട്ട കേ​സി​ൽ ജ​പ്പാ​നി​ൽ അ​റ​സ്​​റ്റി​ലാ​യി ജാ​മ്യ​ത്തി​ലി​റ​ങ്ങി​യ ശേ​ഷ​മാ​ണ്​ മു​ങ്ങി​യ​ത്. അ​ന്താ​രാ​ഷ്​​ട്ര പ്ര​ശ​സ്​​ത​നാ​യ വ്യ​ക്തി ത​ങ്ങ​ളെ വെ​ട്ടി​ച്ചു ക​ട​ന്ന​തി​​െൻറ നാ​ണ​ക്കേ​ടി​ലാ​ണ്​ ജ​പ്പാ​ൻ സ​ർ​ക്കാ​റും സു​ര​ക്ഷ ഏ​ജ​ൻ​സി​ക​ളും.സാ​മ്പ​ത്തി​ക ക്ര​​മ​ക്കേ​ടു​മാ​യി ബ​ന്ധ​പ്പെ​ട്ട കേ​സു​ക​ളി​ൽ ഈ ​വ​ർ​ഷം ഏ​പ്രി​ലി​ൽ വി​ചാ​ര​ണ ന​ട​പ​ടി തു​ട​ങ്ങാ​നി​രി​ക്കുകയാണ്​. ഫ്രാ​ൻ​സ്, ബ്ര​സീ​ൽ, ല​ബ​നാ​ൻ പാ​സ്​​പോ​ർ​ട്ടു​ക​ളു​ള്ള ഗോ​സ​ൻ എ​ങ്ങ​നെ​യാ​ണ്​ രാ​ജ്യം വി​ട്ട​തെ​ന്ന​ത്​ വ്യ​ക്ത​മ​ല്ല.

ജാ​മ്യ​വ്യ​വ​സ്​​ഥ​യി​ൽ രാ​ജ്യം വി​ട​രു​തെ​ന്ന്​ നി​ബ​ന്ധ​ന​യു​ള്ള​തി​നാ​ൽ വ്യാ​ജ പേ​രി​ൽ നാ​ടു​വി​​ട്ടെ​ന്നാ​ണ്​ അ​നു​മാ​നം. 2018 ന​വം​ബ​റി​ലാ​ണ്​ ​ഗോ​സ​ൻ അ​റ​സ്​​റ്റി​ലാ​യ​ത്.
ജാ​മ്യം ന​ൽ​കി​യ​പ്പോ​ൾ ല​ബ​നാ​നി​ലു​ള്ള ഭാ​ര്യ ക​രോ​ളി​നെ കാ​ണാ​ൻ അ​നു​വാ​ദ​മു​ണ്ടാ​യി​രു​ന്നി​ല്ല. അ​ടു​ത്തി​ടെ​യാ​ണ്​ വി​ഡി​യോ കാ​ൾ വ​ഴി സം​സാ​രി​ക്കാ​ൻ അ​നു​വ​ദി​ച്ച​ത്. താ​ൻ ല​ബ​നാ​നി​ലാ​ണു​ള്ള​തെ​ന്നും ഇ​ടു​ങ്ങി​യ, മു​ൻ​വി​ധി​യു​ള്ള, അ​ടി​സ്​​ഥാ​ന മ​നു​ഷ്യാ​വ​കാ​ശ​ങ്ങ​ൾ നി​ഷേ​ധി​ക്കു​ന്ന ജ​പ്പാ​നി​ലെ നീ​തി​ന്യാ​യ വ്യ​വ​സ്​​ഥ​യു​ടെ ബ​ന്ദി​യാ​കാ​നി​ല്ലെ​ന്നും ഗോ​സ​ൻ പ​റ​ഞ്ഞു. കേ​സി​ൽ നി​ര​പ​രാ​ധി​യാ​ണെ​ന്ന്​ ആ​വ​ർ​ത്തി​ച്ച ഗോ​സ​ൻ, നി​സാ​ൻ-​റെ​നോ സ​മ്പൂ​ർ​ണ ല​യ​ന​ത്തെ അ​ധി​കൃ​ത​ർ ത​ട​ഞ്ഞ​താ​യും ആ​രോ​പി​ച്ചു.

കു​റ്റ​വാ​ളി​ക​ളെ കൈ​മാ​റാ​ൻ ജ​പ്പാ​ൻ-​ല​ബ​നാ​ൻ ക​രാ​ർ നി​ല​വി​ലി​ല്ല. അ​തി​നാ​ൽ, അ​ടു​ത്ത നീ​ക്കം എ​ന്താ​യി​രി​ക്കു​മെ​ന്ന​തി​ൽ വ്യ​ക്ത​ത​യി​ല്ല. തി​ങ്ക​ളാ​ഴ്​​ച​യാ​ണ്​ ഗോ​സ​ൻ ല​ബ​നാ​നി​ലെ​ത്തി​യ​തെ​ന്ന്​ സു​ഹൃ​ത്തും ടെ​ലി​വി​ഷ​ൻ അ​വ​താ​ര​ക​നു​മാ​യ റി​ക്കാ​ർ​ഡോ ക​രം പ​റ​ഞ്ഞു. വാ​ഹ​ന വി​പ​ണി ആ​ഗോ​ള​ത​ല​ത്തി​ൽ മാ​ന്ദ്യം നേ​രി​ടു​ന്ന​തി​നി​ടെ, പ്ര​ധാ​ന വാ​ഹ​ന ക​മ്പ​നി​ക​ളി​ലൊ​ന്നി​​െൻറ ത​ല​വ​​ൻ കേ​സി​ല​ക​പ്പെ​ട്ട​തും മു​ങ്ങി​യ​തും കൂ​ടു​ത​ൽ പ്ര​തി​സ​ന്ധി​യു​ണ്ടാ​ക്കു​മെ​ന്ന്​ നി​രീ​ക്ഷ​ക​ർ ചൂ​ണ്ടി​ക്കാ​ട്ടി.