ജപ്പാനിലെ ജയിലുകളിൽ മനുഷത്വരഹിതമായ സാഹചര്യം -കാർലോസ്​ ഗോൻ

ബെയ്​റൂത്ത്​: ജപ്പാനെതിരെ രൂക്ഷ വിമർശനവുമായി നിസാൻ മുൻ തലവൻ കാർലോസ്​ ഗോൻ. ജപ്പാനിലെ ജയിലുകളിൽ മനുഷത്വരഹിത മായ സാഹചര്യമാണ്​ നില നിൽക്കുന്നത്​. തനിക്കെതിരെ വ്യാജ തെളിവുകളാണ്​ നിലവിലുള്ള​െതന്നും അദ്ദേഹം ലെബനാനിൽ നടത് തിയ വാർത്താ സമ്മേളനത്തിൽ പറഞ്ഞു.

ജപ്പാനിൽ മരിക്കുക അല്ലെങ്കിൽ രക്ഷപ്പെടുക. ഈ രണ്ട്​ വഴികളാണ്​ എൻെറ മുന്നില ുണ്ടായിരുന്നത്​. ഇത്​ രണ്ടിൽ നിന്നും ഒരു തെരഞ്ഞെടുപ്പ്​ നടത്തുകയെന്നത്​ ബുദ്ധിമു​ട്ടേറിയ കാര്യമായിരുന്നു. 17 വർഷം താൻ പ്രവർത്തിച്ചത്​ ജപ്പാന്​ വേണ്ടിയായിരുന്നു. എന്നാൽ, അവിടെ നിന്ന്​ നീതി കിട്ടിയില്ലെന്ന്​ ഗോൻ പറഞ്ഞു.

താൻ എങ്ങനെ രക്ഷപ്പെട്ടുവെന്ന്​ ഇപ്പോൾ വ്യക്​തമാക്കാനില്ല. എൻെറ രക്ഷപ്പെടലിനെ കുറിച്ച്​ കൂടുതൽ വെളിപ്പെടുത്തൽ നടത്തിയാൽ അത്​ പലരെയും കുഴപ്പത്തിലാക്കും. 99.4 ശതമാനം കുറ്റവാളികളും ശിക്ഷിക്കപ്പെടുന്ന ഒരു വ്യവസ്ഥ​യെയാണ്​ താൻ നേരിട്ടതെന്നും ഗോൻ ഓർമിപ്പിച്ചു.

സാമ്പത്തിക ക്രമക്കേട്​ സംബന്ധിച്ച കേസിൽ ജാമ്യത്തിലിറങ്ങിയതിന്​ ശേഷമായിരുന്നു ഗോൻ രാജ്യം വിട്ടത്​. വീട്ടിൽ നടന്ന സംഗീത വിരുന്നിന്​ ശേഷം സംഗീത ഉപകരണങ്ങൾ വെക്കുന്ന പെട്ടിയിൽ കയറി ഗോൻ വിമാനത്താവളത്തിലെത്തി. അവിടെ നിന്ന്​ സ്വകാര്യ വിമാനത്തിൽ ലെബനാനിൽ എത്തിയെന്നാണ്​ അനുമാനം.