ചൈനയിലെ പ്രേതനഗരങ്ങൾ

ബെയ്​ജിങ്​: കൊറോണ ബാധയുടെ ആദ്യനാളുകളിൽ മാസ്​ക്​ ധരിച്ച്​ നീങ്ങുന്ന ജനങ്ങളായിരുന്നു ചൈനീസ്​ നഗരങ്ങളിലെ ക ാഴ്​ച. എന്നാൽ, ​കൊറോണ ഇപ്പോൾ 811 ജീവനുകൾ കവർന്നിരിക്കുന്നു. 37000 പേർക്കെങ്കിലും രോഗം ബാധിച്ചിട്ടുണ്ടെന്നാണ്​ കണക്കാക്കുന്നത്​. ഇതോടെ ചൈനീസ്​ നഗരങ്ങൾ അക്ഷരാർഥത്തിൽ പ്രേതനഗരങ്ങളായിരിക്കുന്നു. ലോകവ്യാപാരത്തെ തന്നെ നി യന്ത്രിച്ചിരുന്ന പല ചൈനീസ്​ നഗരങ്ങളും ഇന്ന്​ വിജനമാണ്​.

ചൈനീസ്​ തലസ്ഥാനമായ ബെയ്​ജിങ്ങിൽ ഇത്​ മഞ്ഞുവീഴ്​ച യുടെ കാലമാണ്​. മഞ്ഞിൽ കളിക്കാനും ചിത്രങ്ങളെടുക്കാനുമായി നൂറുക്കണക്കിന്​ ആളുകളാണ് ഇക്കാലത്ത്​​ തെരുവുകളിലെത്താറ്​. എന്നാൽ, ഇന്ന്​ ചിത്രം മാറിയിരിക്കുന്നു. ബെയ്​ജിങ്ങി​​​​​െൻറ തെരുവുകളിൽ പഴയ ആളനക്കമില്ല. വിജനമായ തെരുവ​ുകളിൽ ആകെ കേൾക്കാനുള്ളത്​ കിളികളുടെ ശബ്​ദം മാത്രമാണ്​. ബെയ്​ജിങ്​ മാത്രമല്ല, ചൈനയുടെ സാമ്പത്തിക തലസ്ഥാനം എന്ന്​ വിശേഷിപ്പിക്കപ്പെടുന്ന ഷാങ്​ഹായിയിലും സമാന സ്ഥിതിയാണുള്ളത്​. സർക്കാർ അവധി ദിനങ്ങൾ ദീർഘിപ്പിച്ചതോടെ ആളുകളാരും പുറത്തിറങ്ങുന്നില്ല. വീടുകളിൽ നിന്ന്​ പുറത്ത്​ പോകരുതെന്ന്​ ഔദ്യോഗിക ഏജൻസികൾ തന്നെ നിർദേശം നൽകിയതോടെ ഭയം ചൈനക്കാരെ പിടികൂടിയിരിക്കുന്നു.

അപൂർവമായി മാത്രമാണ്​ ബെയ്​ജിങ്ങിൽ ഇത്ര വലിയ മഞ്ഞുവീഴ്​ചയുണ്ടാകുന്നതെന്ന്​ ചൈനയിലെ വിനോദസഞ്ചാര കേന്ദ്രമായ ഫോർബിഡൻ സിറ്റിയിലെ സുരക്ഷാ ജീവനക്കാരൻ പറയുന്നു. കൊറോണയില്ലെങ്കിൽ മഞ്ഞുവീഴ്​ച ആസ്വദിക്കാൻ നൂറുകണക്കിനാളുകൾ എത്തുമായിരുന്നു. എന്നാൽ, സർക്കാറി​​​​െൻറ കർശന ഉത്തരവ്​ നില നിൽക്കുന്നതിനാൽ പ്രദേശവാസികൾ അല്ലാതെ മറ്റാരും പുറത്തിറങ്ങുന്നില്ലെന്ന്​ അദ്ദേഹം പറയുന്നു. ബെയ്​ജിങ്ങി​െല ഫുഡ്​സ്​ട്രീറ്റിൽ വിരലിലെണ്ണാവുന്ന റസ്​റ്റോറൻറുകൾ മാത്രമാണ്​ തുറന്നിട്ടുള്ളതെന്നും ഷോപ്പിങ്​ കോംപ്ലക്​സുകൾ അടഞ്ഞു കിടക്കുകയാണെന്നും അദ്ദേഹം കൂട്ടിച്ചേർത്തു​.

ചൈനീസ്​ നഗരങ്ങളുടെ നിശചലാവസ്ഥ രാജ്യത്തെ മാത്രമല്ല ബാധിക്കുന്നത്​. ചൈന നിശ്​ചലമാവുന്നതോടെ പതിയെ ആഗോള സമ്പദ്​വ്യവസ്ഥയും തളർച്ചയിലേക്ക്​ നീങ്ങുകയാണ്​.