Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightആറു നൂറ്റാണ്ട്​...

ആറു നൂറ്റാണ്ട്​ പഴക്കമുള്ള ബുദ്ധന്​ ആറു പതിറ്റാണ്ട്​ നീണ്ട നീരാട്ട്​; ചൈനയിൽ അപൂർവ പ്രതിമ കണ്ടെത്തി

text_fields
bookmark_border
ആറു നൂറ്റാണ്ട്​ പഴക്കമുള്ള ബുദ്ധന്​ ആറു പതിറ്റാണ്ട്​ നീണ്ട നീരാട്ട്​; ചൈനയിൽ അപൂർവ പ്രതിമ കണ്ടെത്തി
cancel

ബീജിങ്​: കിഴക്കന്‍ ചൈനയിലെ ജിയാംക്ഷി പ്രവിശ്യയില്‍ 600 വര്‍ഷം പഴക്കമുള്ള അപൂര്‍വ്വ ബുദ്ധപ്രതിമ കണ്ടെടുത്തു. ജ ലസംഭരണിയിൽ പുനര്‍നിര്‍മ്മാണ പ്രവൃത്തികള്‍ നടക്കുന്നതിനിടെ ജലനിരപ്പ് താഴ്ന്നപ്പോഴാണ് ബുദ്ധന്‍ പൊങ്ങി വന്ന ത്.

ജലനിരപ്പ് പത്തു മീറ്ററോളം താഴ്ന്നപ്പോള്‍ ഒരു ഗ്രാമീണനാണ് ബുദ്ധ പ്രതിമ ആദ്യം കണ്ടത്​. ഒരു പാറമുകളില്‍ ഇരുന്ന് ജലാശയത്തിലേക്ക് നോക്കുന്ന രീതിയിലാണ് ഈ പ്രതിമ. ബുദ്ധ പ്രതിമ പ്രത്യക്ഷമായത്​ നല്ല ലക്ഷണമാണെന്ന്​ കരുതി ഇവിടെ സന്ദർശകർ ഏറിയിട്ടുണ്ട്​.

1368-1644 കാലഘട്ടത്തില്‍ നിലനിന്നിരുന്ന മിംഗ് രാജവംശത്തിന്‍റെ ആദ്യ കാലത്തോ യുവാൻ രാജവംശത്തി​​െൻറ കാലത്തോ നിർമ്മിച്ചതായിരിക്കാം പ്രതിമയെന്ന്​ പുരാവസ്തു ഗവേഷകര്‍ പറയുന്നു.

വെള്ളത്തിനടിയില്‍ ക്ഷേത്ര ഹാളിന്‍റെ അടിത്തറയും കണ്ടെത്തിയിട്ടുണ്ട്. ഷിയാഷി എന്ന് പേരുള്ള പുരാതന പട്ടണത്തിന്‍റെ അവശിഷ്ടങ്ങള്‍ക്ക് മുകളിലാണ് ഈ ജലസംഭരണിയെന്ന്​ പ്രാദേശിക രേഖകൾ സൂചിപ്പിക്കുന്നു. ഈ പുരാതന പട്ടണത്തെയും പ്രതിമയെയും കുറിച്ച് കൂടുതല്‍ അന്വേഷണം നടത്തി പരിപാലന പ്രവര്‍ത്തനങ്ങള്‍ നടത്താനായി പ്രത്യേക ഗവേഷണസംഘത്തെ നിയോഗിച്ചിട്ടുണ്ട്.

1960 ൽ നിർമിച്ചതാണ്​ ജല സംഭരണി. പുരാവസ്​തുക്കളുടെ മൂല്യം അക്കാലത്തെ പ്രാദേശിക ഭരണകൂടത്തിന്​ തിരിച്ചറിയാനായിട്ടുണ്ടാകില്ലെന്ന്​ ഗവേഷകർ പറയുന്നു. 1960കളിൽ ചൈനയിലുണ്ടായ സാംസ്​കാരിക വിപ്ലത്തിൽ നിരവധി പുരാവസ്​തുക്കൾ തകർക്കപ്പെട്ടിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:world newsmalayalam newsBuddha statue
News Summary - buddha statue discovered in china
Next Story