ഫാസിൽ ഹസൻ ആബിദിന്​ ആയിരങ്ങളുടെ യാത്രാമൊഴി

ധാക്ക: വെള്ളിയാഴ്​ച അന്തരിച്ച ബംഗ്ലാദേശിലെ പ്രമുഖ സാമൂഹിക പ്രവർത്തകൻ ഫാസിൽ ഹസൻ ആബിദിന്​ (83) ആയിരങ്ങളുടെ യാത്രാമൊഴി. ലോകത്തെ ഏറ്റവും വലിയ സർക്കാറിതര സന്നദ്ധ സംഘടനകളിലൊന്നായ (എൻ.ജി.ഒ) ‘ബ്രാകി’​​െൻറ സ്​ഥാപകൻ കൂടിയായ ആബിദി​​െൻറ മൃതദേഹം ധാക്ക സ്​റ്റേഡിയത്തിൽ പൊതുദർശനത്തിന്​ വെച്ചപ്പോൾ പതിനായിരത്തിലേറെ പേരാണ്​ കാണാനെത്തിയത്​. നെബേൽ ജേതാവ്​ മുഹമ്മദ്​ യൂനുസ്​, മുതിർന്ന രാഷ്​​ട്രീയ നേതാക്കൾ, നയതന്ത്ര പ്രതിനിധികൾ ഉൾപ്പെടെയുള്ളവർ അന്ത്യോപചാരം അർപ്പിച്ചു.

1972ൽ അദ്ദേഹം സ്​ഥാപിച്ച ​‘ബ്രാക്​’ വഴി 15 കോടിയോളം ജനങ്ങളെ ദാരിദ്ര്യത്തിൽനിന്ന്​ കരകയറ്റാൻ കഴിഞ്ഞിട്ടുണ്ടെന്നാണ്​ കണക്കാക്കപ്പെടുന്നത്​. ബംഗ്ലാദേശിലെ 80 ശതമാനമുണ്ടായിരുന്ന പട്ടിണി 40 ശതമാനമായി മാറ്റിയതിൽ ബ്രാകി​​െൻറ ചെറുകിട മൂലധന സഹായ പദ്ധതിക്ക്​ വലിയ പങ്കുണ്ട്​. ബ്രാകിന്​ കീഴിൽ ഒരു ലക്ഷത്തിലേറെ പേർ ബംഗ്ലാദേശിൽ ജോലിചെയ്യുന്നുണ്ട്​.

ബംഗ്ലാദേശിന്​ പുറമെ ഏഷ്യ^ആഫ്രിക്ക മേഖലയിൽ ബ്രാക്​ സജീവ സാന്നിധ്യമാണ്​. മഗ്​സാസെ അവാർഡ്​, ബ്രിട്ടനിലെ നൈറ്റ്​ഹുഡ്​, വേൾഡ്​ ഫുഡ്​ പ്രൈസ്​ ബഹുമതികൾ അടക്കം ഒ​ട്ടേറെ അന്താരാഷ്​്ട്ര പുരസ്​കാരങ്ങൾ അദ്ദേഹത്തെ തേടിയെത്തിയിട്ടുണ്ട്​. ധാക്ക ഖബർസ്​ഥാനിലാണ്​ ആബിദി​​െൻറ മൃതദേഹം മറവുചെയ്​തതെന്ന്​ ബ്രാക്​ വക്​താവ്​ ആസിഫ്​ സാലിഹ്​ പറഞ്ഞു.