നടുക്കടലിൽ ബോട്ട്​ കത്തി; നാല്​ ഇന്ത്യക്കാരെ സൈന്യം രക്ഷിച്ചു

22:05 PM
26/10/2019
boat-fire-261019.jpg

ജിദ്ദ: നടുക്കടലിൽ കത്തിയ ബോട്ടിൽ നിന്ന് നാല്​ ഇന്ത്യക്കാരെ കിഴക്കൻ മേഖല ഖഫ്​ജി ഏരിയ  അതിർത്തി സേന  രക്ഷപ്പെടുത്തി. വെള്ളിയാഴ്​ച വൈകുന്നേരമാണ്​ സംഭവം. ഖഫ്​ജി ഏരിയ അതിർത്തി രക്ഷാസേനയാണ്​​ ദമ്മാമിലെ സേർച്ച്​ ആൻറ്​ റെസ്​ക്യൂ കേന്ദ്രത്തിലേക്ക്​ വിവരം അറിയിച്ചതെന്ന്​ കിഴക്കൻമേഖല അതിർത്തി രക്ഷാസേന വക്​താവ്​ കേണൽ അബ്​ദുൽ മലിക്​ ബിൻ അബ്​ദുൽ അസീസ്​ പറഞ്ഞു. അതിർത്തി സേന നിരീക്ഷണം നടത്തുന്നതിനിടയിലാണ്​ മർകസ്​ മുനീഫക്ക്​ വടക്ക്​ കിഴക്ക്​ ഏകദേശം എട്ട്​ മൈൽ അകലെ​ ഉല്ലാസ ബോട്ടിന്​ തീ പിടിച്ചത് ശ്രദ്ധയിൽപ്പെട്ടത്​​. 

നാല്​ പേരാണ്​ ബോട്ടിലുണ്ടായിരുന്നത്​. ഉടനെ ആവശ്യമായ സഹായങ്ങൾ നൽകുകയും ബോട്ടിലുള്ളവരെ രക്ഷപ്പെടുത്തുകയും ചെയ്​തു. ആർക്കും പരിക്കില്ല. കടലിൽ പോകുന്നവർ ബോട്ടി​​െൻറ സുരക്ഷ ഉറപ്പുവരുത്തണമെന്നും സമയബന്ധിതമായി നടത്തേണ്ട അറ്റകുറ്റപ്പണി പൂർത്തിയാക്കിയിരിക്കണമെന്നും വക്​താവ്​ പറഞ്ഞു.

Loading...
COMMENTS