പാകിസ്​താനിലെ ക്വെറ്റയിൽ സ്​ഫോടനം: 16 പേർ കൊല്ലപ്പെട്ടു

ക്വെറ്റ: പാകിസ്​താനിലെ ക്വെറ്റയിലുണ്ടായ സ്​ഫോടനത്തിൽ 16 പേർ കൊല്ലപ്പെട്ടു. പന്ത്രണ്ട്​ പേർക്ക്​ പരിക്കേറ്റിട്ടുണ്ട്​. ക്വെറ്റയിലെ പച്ചക്കറി മാർക്കറ്റിലാണ്​ സ്​ഫോടക വസ്​തു പൊട്ടിത്തെറിച്ചത്​.

മരണസംഖ്യ ഇനിയും ഉയരാനാണ്​ സാധ്യതയെന്ന്​ എക്​സ്​പ്രസ്​ ട്രിബ്യൂൺ റിപ്പോർട്ട്​ ചെയ്യുന്നു. പൊലീസും രക്ഷാപ്രവർത്തകരും സ്ഥലത്തെത്തി രക്ഷാപ്രവർത്തനം തുടങ്ങിയിട്ടുണ്ട്​. സ്​ഫോടനത്തിന്​ പിന്നിൽ പ്രവർത്തിച്ചത്​ ആരാണെന്ന്​ അന്വേഷിച്ചുവരികയാണ്​.