ചോദ്യങ്ങൾ ബാക്കിയാക്കി ബേനസീർ വധക്കേസ് വിധി

ഇസ്​ലാമാബാദ്​: പാകിസ്​താൻ മുൻപ്രധാനമന്ത്രി ബേനസീർ ഭു​േട്ടായെ കൊന്നകേസിൽ പാകിസ്​താൻ ഭീകരത വിരുദ്ധ കോടതി (എ.ടി.സി) വിധി വന്നപ്പോഴും നിർണായക ചോദ്യങ്ങൾക്ക്​ ഉത്തരമില്ല. ബേനസീർ അടക്കം​ 22 പേർ കൊല്ലപ്പെട്ട സംഭവത്തിലെ യഥാർഥ പ്രതികളെ കണ്ടെത്താൻ പ്രോസിക്യൂഷന്​ കഴിഞ്ഞിട്ടില്ല.
2007 ഡിസംബർ 27നാണ്​ റാവൽപിണ്ടിയിലെ ലിയാഖത്ത്​ ബേഗിലുണ്ടായ ചാവേറാക്രമണത്തിൽ​ ബേനസീർ അടക്കം 22 പേർ കൊല്ലപ്പെടുന്നത്​.

ഒരു തെരഞ്ഞെടുപ്പ്​ റാലിയിൽ സംസാരിച്ചശേഷം മടങ്ങാനൊരുങ്ങവെയായിരുന്നു ആക്രമണം. സംഭവത്തിന്​ തൊട്ടുപിന്നാലെ, ആക്രമണത്തിൽ പങ്കുള്ളവരായി സംശയിക്കുന്ന അഞ്ചുപേരെ അറസ്​റ്റ്​ ചെയ്​ത്​ ​2008 ഫെബ്രുവരിയിൽ അന്വേഷണം ആരംഭിച്ചു. എന്നാൽ, സംഭവത്തിൽ പ്രതികൾക്ക്​ പങ്കുണ്ടെന്നതിന്​ തെളിവുകളൊന്നും പൊലീസിന്​ സമർപ്പിക്കാനായില്ലെന്ന്​ അറസ്​റ്റിലായവരും,  ദേശീയ അന്വേഷണ ഏജൻസിയും (എഫ്​.​െഎ.എ) ചൂണ്ടിക്കാട്ടി.

വീഴ്​ചപറ്റിയത്​ പൊലീസിനാണെന്ന്​ എഫ്​.​െഎ.എ അഭിഭാഷകൻ എ.ടി.സി കോടതി മുമ്പാകെ വ്യക്​തമാക്കി. എന്നാൽ, യു.എസ്​ നയങ്ങളിൽനിന്ന്​ വ്യതിചലിച്ചതാണ്​ ബേനസീറിനെ ലക്ഷ്യമിടാൻ കാരണമെന്ന്​ എഫ്​.​െഎ.എ പ്രോസിക്യൂട്ടർ ഖ്വാജ ആസിഫ്​ കോടതിയിൽ പറഞ്ഞത്​ സംഭവത്തിനു പിന്നിലെ ദുരൂഹതയുടെ ആഴം വർധിപ്പിക്കുന്നു.