യുദ്ധസജ്ജരാകാൻ ചൈനീസ്​ സൈന്യത്തോട്​ ഷി ജിൻ​പിങ്​

ബെയ്​ജിങ്​: യുദ്ധങ്ങൾ നയിച്ച്​ ജയം നേടാൻ പ്രാപ്​തരായിരിക്കണമെന്ന്​ ചൈനീസ്​ സായുധസേനയോട്​ പ്രസിഡൻറ്​ ഷി ജിൻ​പിങ്​. പാർട്ടിയും ജനങ്ങളും അർപ്പിക്കുന്ന ഉത്തരവാദിത്തങ്ങൾ നിർവഹിക്കാൻ മുന്നോട്ടുവരണമെന്നും ചൈനീസ്​ സെൻട്രൽ മിലിട്ടറി കമീഷൻ​ സംയുക്​ത യുദ്ധ കമാൻഡ്​ സന്ദർശിച്ച അദ്ദേഹം സൈനികരോട്​ പറഞ്ഞു. 

23 ലക്ഷം അംഗങ്ങളുള്ള ചൈനീസ്​ സേനയുടെ ഹൈകമാൻഡാണ്​ സെൻട്രൽ മിലിട്ടറി കമീഷൻ (സി.എം.സി). ചൈനീസ്​ കമ്യൂണിസ്​റ്റ്​ പാർട്ടി ജനറൽ സെക്രട്ടറിയും സി.എം.സി ചെയർമാനുമായ ഷി സംയുക്​ത യുദ്ധ കമാൻഡ്​ കമാൻഡർ ഇൻ ചീഫ്​ കൂടിയാണ്​. ഒക്​ടോബർ 24ന്​ ചൈനീസ്​ കമ്യൂണിസ്​റ്റ്​ പാർട്ടി മേധാവിയായി വീണ്ടും തെരഞ്ഞെടുക്കപ്പെട്ട ശേഷം ഇത്​ രണ്ടാം തവണയാണ്​ സായുധസേനയുടെ ആവശ്യകത ഷി ഉൗന്നിപ്പറയുന്നത്​.