കാഠ്​മണ്ഡു എയർപോർട്ടിൽ വിമാനം തകർന്ന് 50 മരണം

കാ​ഠ്​​മ​ണ്ഡു: ബം​ഗ്ലാ​ദേ​ശ്​ ത​ല​സ്​​ഥാ​ന​മാ​യ ധാ​ക്ക​യി​ൽ​നി​ന്ന്​ 67 യാ​ത്ര​ക്കാ​രു​മാ​യി വ​ന്ന വി​മാ​നം കാ​ഠ്​​മ​ണ്ഡു​വി​ലെ ത്രി​ഭു​വ​ൻ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​​െൻറ റ​ൺ​വെ​യി​ൽ​നി​ന്ന്​ തെ​ന്നി​മാ​റി​യു​ണ്ടാ​യ അ​പ​ക​ട​ത്തി​ൽ 50ഒാ​ളം യാ​ത്ര​ക്കാ​ർ മ​രി​ച്ചു. തൊ​ട്ട​ടു​ത്ത ഫു​ട്​​ബാ​ൾ ഗ്രൗ​ണ്ടി​ലേ​ക്ക്​ തെ​ന്നി​യ വി​മാ​നം പൂ​ർ​ണ​മാ​യും ക​ത്തി​യ നി​ല​യി​ലാ​ണ്. 17 പേ​രെ ര​ക്ഷ​പ്പെ​ടു​ത്താ​നാ​യെ​ന്ന്​ നേ​പ്പാ​ൾ ടൂ​റി​സം മ​ന്ത്രാ​ല​യ അ​ധി​കൃ​ത​ർ അ​റി​യി​ച്ചു.

യാ​ത്ര​ക്കാ​ർ​ക്കു​പു​റ​മെ, വി​മാ​ന​ത്തി​ൽ നാ​ല്​ ജീ​വ​ന​ക്കാ​രു​മു​ണ്ടാ​യി​രു​ന്നു. ‘യു.​എ​സ്​-​ബം​ഗ്ല എ​യ​ർ​ലൈ​ൻ​സ്​’ ക​മ്പ​നി​യു​ടെ ഡാ​ഷ്​ 8 ക്യു 400 ​വി​മാ​ന​മാ​ണ്​ ത​ക​ർ​ന്ന​ത്. തി​ങ്ക​ളാ​​ഴ്​​ച ഉ​ച്ച ക​ഴി​ഞ്ഞ്​ പ്രാ​ദേ​ശി​ക സ​മ​യം 2.20നാ​ണ്​ അ​പ​ക​ടം. വി​മാ​നം തെ​ന്നി​മാ​റി​യ ഉ​ട​ൻ തീ​പി​ടി​ച്ച​താ​യി വി​മാ​ന​ത്താ​വ​ള വ​ക്താ​വ്​ പ്രേം​നാ​ഥ്​ ഠാ​കു​ർ ‘കാ​ഠ്​​മ​ണ്ഡു പോ​സ്​​റ്റ്​’ പ​ത്ര​ത്തോ​ട്​ പ​റ​ഞ്ഞു. വി​മാ​ന​ത്തി​ലു​ണ്ടാ​യി​രു​ന്ന​വ​രി​ൽ 33 പേ​ർ നേ​പ്പാ​ൾ പൗ​ര​ന്മാ​രാ​ണ്. ര​ക്ഷ​പ്പെ​ടു​ത്തി​യ​വ​രെ കാ​ഠ്​​മ​ണ്ഡു​വി​ലെ വി​വി​ധ ആ​ശു​പ​ത്രി​ക​ളി​ൽ എ​ത്തി​ച്ചു.

വി​മാ​നം ഇ​റ​​ങ്ങു​ന്ന ദി​ശ സം​ബ​ന്ധി​ച്ച്​ എ​യ​ർ ട്രാ​ഫി​ക്​ ക​ൺ​ട്രോ​ൾ വി​ഭാ​ഗം പൈ​ല​റ്റു​മാ​യി സം​സാ​രി​ച്ച​പ്പോ​ൾ, വ​ട​ക്കു​ഭാ​ഗ​ത്തു​നി​ന്നാ​ണ്​ ​റ​ൺ​വെ​യി​ലേ​ക്ക്​ വ​രു​ന്ന​തെ​ന്നാ​ണ്​ അ​ദ്ദേ​ഹം അ​റി​യി​ച്ചി​രു​ന്ന​ത്. എ​ന്നാ​ൽ, പി​ന്നീ​ട്​ വി​മാ​നം വ​ട​ക്ക്​-​കി​ഴ​ക്കു ഭാ​ഗ​ത്തേ​ക്ക്​ നീ​ങ്ങി. ഇൗ ​ഘ​ട്ട​ത്തി​ൽ, എ​ന്തെ​ങ്കി​ലും പ്ര​ശ്​​ന​മു​ണ്ടോ എ​ന്ന്​ ക​ൺ​ട്രോ​ൾ വി​ഭാ​ഗം അ​ന്വേ​ഷി​ച്ചി​രു​ന്നു. ഒ​രു പ്ര​ശ്​​ന​വു​മി​ല്ല എ​ന്ന മ​റു​പ​ടി​യാ​ണ്​ ല​ഭി​ച്ച​തെ​ന്ന്​ വി​മാ​ന​ത്താ​വ​ള ജ​ന​റ​ൽ മാ​നേ​ജ​ർ രാ​ജ്​​കു​മാ​ർ ഛേത്രി ​പ​റ​ഞ്ഞു.  

2012 സെപ്റ്റംബറിൽ കാഠ്മണ്ഡു എയർപോർട്ടിലുണ്ടായ അപകടത്തിൽ 19 പേർ മരിച്ചിരുന്നു.