പാകിസ്​താനിൽ ഒഴിഞ്ഞ ബാലറ്റ്​ പെട്ടികളും പേപ്പറുകളും കണ്ടെത്തി

കറാച്ചി: പാക്​ തെരഞ്ഞെടുപ്പിൽ വ്യാപക ക്രമക്കേടുകൾ നടന്നെന്ന  ആരോപണം ശരിവെക്കുന്ന തെളിവുകൾ പുറത്ത്​. കറാച്ചിയിലെയും സിയാൽകോടിലെയും റോഡരികിൽനിന്ന്​ ഒഴിഞ്ഞ അഞ്ച്​ ബാലറ്റ്​ പെട്ടികളും നിരവധി പേപ്പറുകളും കണ്ടെത്തി. ജൂ​ൈല 25ന്​ നടന്ന തെരഞ്ഞെടുപ്പിൽ 116 സീറ്റുകൾ നേടി ഇംറാൻ ഖാൻ നേതൃത്വം നൽകുന്ന  പാകിസ്​താൻ തെഹ്​രീകെ ഇൻസാഫ്​ പാർട്ടി ഏറ്റവും വലിയ ഒറ്റക്കക്ഷിയായി എന്നായിരുന്നു തെരഞ്ഞെടുപ്പു കമീഷ​​​െൻറ ഫലപ്രഖ്യാപനം.

അതിനു പിന്നാലെ തെരഞ്ഞെടുപ്പ്​ ഫലം അംഗീകരിക്കില്ലെന്നും വ്യാപകമായ ക്രമക്കേട്​ നടന്ന സാഹചര്യത്തിൽ സുതാര്യമായി വീണ്ടും തെരഞ്ഞെടുപ്പ്​ നടത്തണമെന്നും ആവശ്യപ്പെട്ട്​  പാകിസ്​താൻ മുസ്​ലിം ലീഗി​​​െൻറ​ (നവാസ്​) നേതൃത്വത്തിൽ പാർട്ടികൾ  സർവകക്ഷിയോഗം ചേർന്ന്​​ ആവശ്യപ്പെട്ടിരുന്നു. സിന്ധ്​ പ്രവിശ്യയിലെ റോഡരികിലെ ചവറ്റുകൊട്ടയിൽ ബാലറ്റുകളും പെട്ടിയും ഉപേക്ഷിക്കപ്പെട്ട കാര്യം പാകിസ്​താൻ പീപ്​ൾസ്​ പാർട്ടി സ്​ഥാനാർഥി മോസം അലി ഖുറേശിയാണ്​ പൊലീസിനെ അറിയിച്ചത്​.  തുടർന്ന്​ അതതുമേഖലയിലെ റി​േട്ടണിങ്​ ഒാഫിസറെ സമീപിക്കാൻ പൊലീസ്​ നിർദേശം നൽകി. ആവശ്യ​െമങ്കിൽ അവർ അ​േന്വഷിക്കുമെന്നും അറിയിച്ചു.
 

ഇവിടെനിന്ന്​ 12  ബാലറ്റ്​ പേപ്പറുകളാണ്​ കണ്ടെടുത്തത്​. സിയാൽകോട്ടിൽനിന്ന്​ അഞ്ച്​ ഒഴിഞ്ഞ ബാലറ്റ്​ പെട്ടികളുടെ ലഭിച്ചു. അജ്​ഞാതരായ ഒരുസംഘം ആളുകൾ പെട്ടികൾ ഇവിടെ കൊണ്ടിടുകയായിരുന്നുവെന്നാണ്​ പൊലീസി​​​െൻറ വിശദീകരണം. ബാലറ്റ്​ പെട്ടികൾ കണ്ടെടുത്ത വാർത്തയറിഞ്ഞ്​ സിയാൽകോട്ടിലെ എൻ.എ-73 മണ്ഡലത്തിലെ പി.ടി​​.​െഎയുടെ ഉസ്​മാൻ ദർ ഒരുസംഘം ആളുകൾക്കൊപ്പം സ്​ഥലത്തെത്തി. പി.എം.എൽ^എൻ സ്​ഥാനാർഥിയോടാണിദ്ദേഹം പരാജയപ്പെട്ടത്​. പി.എം.എൽ പ്രവർത്തകരാണ്​  ബാലറ്റ്​പെട്ടി വലിച്ചെറിഞ്ഞതെന്നാണ്​ ദറി​​​െൻറ ആരോപണം. അതേസമയം തങ്ങളുടെ ​േജാലി നന്നായി നിർവഹിച്ചെന്നാണ്​ തെരഞ്ഞെടുപ്പ്​ കമീഷ​​​െൻറ മറുപടി. 

ആഗസ്​റ്റ്​​ 14നുമുമ്പ്​ ഇംറാൻ പ്രധാനമന്ത്രിയായി ചുമതലയേൽക്കും
ഇസ്​ലാമാബാദ്​: പാകിസ്​താ​​​െൻറ പുതിയ പ്രധാനമന്ത്രിയായി ഇംറാൻ ഖാൻ സ്വാതന്ത്ര്യദിനത്തിനു മുമ്പായി സത്യപ്രതിജ്​ഞ ചെയ്യുമെന്ന്​ തെഹ്​രീകെ ഇൻസാഫ്​ പാർട്ടി (പി.ടി​.െഎ) അറിയിച്ചു. ആഗസ്​ത്​ 14നാണ്​ പാകിസ്​താൻ സ്വാതന്ത്ര്യദിനം ആഘോഷിക്കുന്നത്​. തെരഞ്ഞെടുപ്പിൽ ഏറ്റവും വലിയ ഒറ്റക്കക്ഷിയായെങ്കിലും കേവലഭൂരിപക്ഷം ലഭിക്കാത്ത സാഹചര്യത്തിൽ സർക്കാർ രൂപവത്​കരണത്തിന്​ പി.ടി​.െഎ ചെറുകക്ഷികളുമായി ചർച്ച തുടരുകയാണ്​. 

പഞ്ചാബിൽ സഖ്യത്തിന്​ തയാർ, മുഖ്യമന്ത്രിപദം വേണം ^പി.എം.എൽ (ക്യു)
ലാഹോർ: പഞ്ചാബ്​ പ്രവിശ്യയിൽ സർക്കാർ രൂപവത്​കരണത്തിന്​ പി.ടി.​െഎക്ക്​ പിന്തുണ നൽകുന്നതിന്​ പകരമായി മുഖ്യമന്ത്രി സ്​ഥാനമോ ഉപപ്രധാനമന്ത്രി പദവിയോ  നൽകണമെന്നാവശ്യപ്പെട്ട്​ പാകിസ്​താൻ മുസ്​ലിം ലീഗ്​ (ക്യ​ു) രംഗത്തെത്തി. ശനിയാഴ്​ചയാണ്​ പി.ടി.​െഎ  രൂപവത്​കരിക്കുന്ന സഖ്യസർക്കാറിൽ പങ്കാളിയാവാൻ തയാറാണെന്ന്​ പി.പി.ക്ക്​ പിന്നാലെ പി.എം.എൽ (ക്യു) അറിയിച്ചത്​.

പഞ്ചാബിൽ പി.എം.എൽ-എൻ 129 സീറ്റുകൾ നേടി മുന്നിലെത്തിയെങ്കിലും സർക്കാർ രൂപവത്​കരിക്കാൻ  കേവലഭൂരിപക്ഷം തികക്കാനായില്ല. പി.ടി​.െഎക്ക്​ 123 സീറ്റുകളാണുള്ളത്​. കേവലഭൂരിപക്ഷത്തിന്​ 149 സീറ്റ്​ വേണം. അതേസമയം, കൂട്ടുകക്ഷി സർക്കാർ വന്നാലും പ്രധാനമന്ത്രി പദം മറ്റാർക്കും വിട്ടുകൊടുക്കില്ലെന്ന്​ പി.ടി.​െഎ വക്​താവ്​ നഇൗമുൽ ഹഖ്​ പ്രതികരിച്ചു. പി.എം.എൽ(ക്യു)വിന്​ എട്ടു സീറ്റുണ്ട്​.  പി.പിക്ക്​ ആറും. സ്വതന്ത്രർ 28 സീറ്റുകൾ നേടി. ഫലം വന്നയുടനെ ആരുമായും സഖ്യത്തിന്​ തയാറാണെന്ന്​ പി.എം.എൽ^ക്യു അറിയിച്ചിരുന്നു. സർക്കാർ രൂപവത്​കരണത്തിന്​ ബദ്ധശത്രുവായ പി.പിയുടെയും സ്വതന്ത്രരുടെയും സഹായം തേടാനും പി.എം.എൽ ശ്രമം നടത്തി.