റോ​ഹി​ങ്ക്യ​ൻ വംശഹത്യ: സൂ​ചി​ രാ​ജി​വെ​ക്കണമാ​യി​രു​ന്നു–യു.​എ​ൻ ഹൈകമ്മീഷണർ

യു​നൈ​റ്റ​ഡ്​ നേ​ഷ​ൻ​സ്​: രാ​ഖൈ​ൻ പ്ര​വി​ശ്യ​യി​ൽ റോ​ഹി​ങ്ക്യ​ൻ മു​സ്​​ലിം​ക​ൾ​ക്കെ​തി​രെ സൈ​ന്യ​ത്തി​​​​െൻറ കൊ​ടും ക്രൂ​ര​ത​ക​ൾ ത​ട​യു​ന്ന​തി​ൽ പ​രാ​ജ​യ​പ്പെ​ട്ട ​മ്യാ​ന്മ​ർ നേ​താ​വ്​ ഒാ​ങ്​​സാ​ൻ സൂ​ചി രാ​ജി​വെ​ക്കു​ന്ന​താ​യി​രു​ന്നു ഉ​ചി​ത​മെ​ന്ന്​ സ്​​ഥാ​ന​മൊ​ഴി​യു​ന്ന യു.​എ​ൻ മ​നു​ഷ്യാ​വ​കാ​ശ മേ​ധാ​വി സെ​യ്​​ദ്​ റ​അ​ദ്​ അ​ൽ​ഹു​സൈ​ൻ.

കൊ​ടും​കൃ​ത്യ​ത്തി​​​​െൻറ ഉ​ത്ത​ര​വാ​ദി​ത്ത​ത്തി​ൽ​നി​ന്ന്​ ഒ​ഴി​വാ​കാ​നു​ള്ള സൂ​ചി​യു​ടെ ശ്ര​മം അ​ത്യ​ന്തം ഖേ​ദ​ക​ര​മാ​ണ്. അ​വ​ർ​ക്ക്​ പ​ദ​വി​യു​പ​യോ​ഗി​ച്ച്​ എ​ന്തെ​ങ്കി​ലും ചെ​യ്യാ​ൻ ക​ഴി​യു​മാ​യി​രു​ന്നു. എ​ന്നാ​ൽ, അ​ടി​ച്ച​മ​ർ​ത്ത​ലി​നെ​തി​രെ നി​ശ്ശ​ബ്​​ദ​യാ​യി നി​ല​കൊ​ണ്ടു.

അ​തി​നെ​ക്കാ​ൾ ന​ല്ല​ത്​ രാ​ജി​വെ​ക്കു​ന്ന​താ​യി​രു​ന്നു. ബ​ർ​മീ​സ്​ സൈ​ന്യ​ത്തി​​​​െൻറ വ​ക്​​താ​വാ​യി അ​വ​രെ ആ​വ​ശ്യ​മി​ല്ല. സൈ​ന്യ​ത്തെ ന്യാ​യീ​ക​രി​ക്കു​ന്ന​തി​നു പ​ക​രം നൊ​ബേ​ൽ സ​മ്മാ​ന ജേ​താ​വ്​ വീ​ട്ടു​ത​ട​ങ്ക​ലി​ലേ​ക്ക്​ മ​ട​ങ്ങു​ന്ന​താ​യി​രു​ന്നു നല്ലതെ​ന്നും അ​ദ്ദേ​ഹം അഭിപ്രായപ്പെട്ടു. 

റോ​ഹി​ങ്ക്യ​ക​ൾ​ക്കെ​തി​രാ​യ സൈ​നി​ക അ​ടി​ച്ച​മ​ർ​ത്ത​ൽ റി​പ്പോ​ർ​ട്ടു​ക​ൾ കെ​ട്ടി​ച്ച​മ​ച്ച​താ​ണെ​ന്നാ​ണ്​ സൂ​ചി​യു​ടെ വാ​ദം. ആ​യി​ര​ങ്ങ​ളെ കൂ​ട്ട​ക്കൊ​ല ചെ​യ്യു​ക​യും സ്​​ത്രീ​ക​ളെ കൂ​ട്ട​ബ​ലാ​ത്സം​ഗ​ത്തി​ന്​ ഇ​ര​യാ​ക്കു​ക​യും ചെ​യ്​​ത​തു വ​ഴി റോ​​ഹി​​ങ്ക്യ​​ൻ വം​​ശ​​ഹ​​ത്യ​​ക്ക്​ ഉ​​ത്ത​​ര​​വാ​​ദി​​ക​​ളാ​​യ ഉ​​ന്ന​​ത സൈ​നി​ക ഉ​​ദ്യോ​​ഗ​​സ്​​​ഥ​​രെ വി​​ചാ​​ര​​ണ ചെ​​യ്യ​​ണ​​മെ​​ന്ന്​ യു.​​എ​​ൻ അ​ന്വേ​ഷ​ണ സം​ഘം ആ​വ​ശ്യ​പ്പെ​ട്ടി​രു​ന്നു. റി​പ്പോ​ർ​ട്ട്​ പു​റ​ത്തു​വ​ന്ന​തി​നു പി​ന്നാ​ലെ​യാ​ണ്​ റ​അ​ദി​​​​െൻറ പ്ര​സ്​​താ​വ​ന.

ഇൗ ​റി​പ്പോ​ർ​ട്ട്​ മ്യാ​ന്മ​ർ ത​ള്ളി​യി​രു​ന്നു. റി​പ്പോ​ർ​ട്ടി​ൽ സൂ​ചി​ക്കെ​തി​രെ​യും വി​മ​ർ​ശ​ന​മു​യ​ർ​ന്നി​രു​ന്നു. യു.​എ​ൻ പോ​ലു​ള്ള പൊ​തു​വേ​ദി​​ക​ളി​ൽ അ​വ​സ​രം ല​ഭി​ച്ചി​ട്ടും റോ​ഹി​ങ്ക്യ​ൻ വം​ശ​ഹ​ത്യ​യെ​ക്കു​റി​ച്ച്​ പ​രാ​മ​ർ​ശം ന​ട​ത്താ​തെ ഒ​ഴി​ഞ്ഞു​മാ​റു​ക​യാ​യി​രു​ന്നു സൂ​ചി. റോ​ഹി​ങ്ക്യ​ൻ കൂ​ട്ട​ക്കൊ​ല​ക്കെ​തി​രെ പ്ര​തി​ക​രി​ക്കാ​ത്ത സൂ​ചി​ക്കെ​തി​രെ അ​ന്താ​രാ​ഷ്​​ട്ര​ത​ല​ത്തി​ൽ വ​ൻ പ്ര​തി​ഷേ​ധ​മു​യ​ർ​ന്നി​രു​ന്നു.

അ​വ​രു​ടെ നൊ​ബേ​ൽ സ​മ്മാ​നം തി​രി​ച്ചെ​ടു​ക്ക​ണ​മെ​ന്നും ആ​വ​ശ്യ​മു​യ​ർ​ന്നു. സൈനികഭരണകാലത്ത്​16 വ​ർ​ഷ​ക്കാ​ലം വീ​ട്ടു​ത​ട​ങ്ക​ലി​ലാ​യി​രു​ന്നു സൂ​ചി. വീ​ട്ടു​ത​ട​ങ്ക​ലി​ൽ​നി​ന്ന്​ മോ​ചി​ത​യാ​യി രാ​ഷ്​​ട്രീ​യ​ത്തി​ൽ സ​ജീ​വ​മാ​യ​പ്പോ​ൾ മ്യാ​ന്മ​ർ ജ​ന​ത വ​ലി​യ പ്ര​തീ​ക്ഷ​യി​ലാ​യി​രു​ന്നു. എ​ന്നാ​ൽ, അ​വ​രെ നി​രാ​ശ​പ്പെ​ടു​ത്തു​ക​യാ​യി​രു​ന്നു സൂ​ചി. 

അ​തി​നി​ടെ, ജ​നാ​ധി​പ​ത്യ​ത്തി​നാ​യു​ള്ള പോ​രാ​ട്ട​ത്തി​നാ​ണ്​ 1991ൽ ​സൂ​ചി​ക്ക്​ സ​മാ​ധാ​ന നൊ​ബേ​ൽ ന​ൽ​കി​യ​തെ​ന്നും അ​തു തി​രി​ച്ചു​വാ​ങ്ങാ​ൻ ഉ​ദ്ദേ​ശി​ക്കു​ന്നി​ല്ലെ​ന്നും നൊ​ബേ​ൽ പു​ര​സ്​​കാ​ര സ​മി​തി വ്യ​ക്ത​മാ​ക്കി.