സ്​റ്റോക്​ഹോമിൽ എയർ ഇന്ത്യ വിമാനം കെട്ടിടത്തിലിടിച്ചു; യാത്രക്കാർ രക്ഷപ്പെട്ടു

സ്​റ്റോക്​ഹോം: സ്​റ്റോക്​ഹോം അർലാൻഡ എയർപോർട്ടിൽ എയർ ഇന്ത്യ വിമാനം കെട്ടിടത്തിലിടിച്ചു. 179 യാത്രക്കാരുമായി പോയ വിമാനമാണ്​ അപകടത്തിൽപ്പെട്ടത്​.

വിമാനത്തി​​​െൻറ ചിറക്​ എയർപോർട്ടിലെ അഞ്ചാം ടെർമിനലിൽ തട്ടുകയായിരുന്നു. യാത്രക്കാരെല്ലാം പരിക്കേൽക്കാതെ രക്ഷപ്പെട്ടു. അതേ സമയം, അപകടത്തി​​​െൻറ കാരണം വ്യക്​തമായിട്ടില്ലെന്ന്​ പൊലീസ്​ അറിയിച്ചു.

ബുധനാഴ്​ച വൈകീട്ട്​ 5.45നാണ്​ ഡൽഹിയിൽ നിന്നുള്ള വിമാനം സ്​റ്റോക്​ഹോം എയർപോർട്ടിലെത്തിയത്​. അന്താരാഷ്​ട്ര വിമാനങ്ങൾക്കുള്ള ടെർമിനലിൽ പ്രവേശിക്കുന്നതിന്​ തൊട്ട്​ മുമ്പാണ്​ കെട്ടിടത്തിലിടിച്ചത്​.